«Лавашала район» МР-ла ад­министрацияла бекIла ­ку­мекчи Ислам МяхIяммадов Су­­лай­ба­кентла шилизивадси ­СВО-ла бу­тIа­кьян­чила рузикьар ПатIимат Бя­­­­хIянд­гIя­лиевачил гьуниваиб. Гьу­ни­­баъниличив «Ду­буртала гьан­би­­куни» ДРОО-ла ва СВО-ла ве­те­ран­тала Ассоциацияла мер­­ли­чибси от­де­ле­ние­ла вакил Расул ГIи­саевра леври.
Гьунибаънила дазурбазиб П.Бя­хIян­­­д­­гIялиевани СВО-ла мер-мусаличи ку­­мек бархьес дигниличила багьахъур. Ислам МяхIяммадовли ил хIялалси бар­кьудилизиб администрацияли хIя­жат­­сигъуна кумек гIеббиахъу или буриб.
Илала узикьар Мухтар Бя­хIянд­гIялиев дявила хасси балбуц бехI­бихьибхIейчивад, ил бетурхуси мер-мусаличив сай. Лерилра къияндешуни ва кьисматла кьяркьти шуртIри илини гъабзадешличил ихъули сари ва ВатIайс марли кавлули сай. Гьаларти къяяназив сайливан, Мухтарлис ва илала дявила узбас сегъунти-дигара къияндешуни дяхIяэс чевкъули саби. Даршуси заклиуб адамти хIербиахъес багьандан, чула арадеш ва цIакь илдани мяхIкамдирули ахIен. ПатIимат узикьарличи кьакьарикIули хьалли, илала ур­кIи пахрули бицIнира чебаэс вирули сай.
Къалабали пайдаладарести гIягI­ниахъ­лумачилси, продуктуначилси кумек илини бучили, хасти мер-мусаличи бархьиб. Гьарил секIайзи илини сунела уркIила ванадеш кабихьиб дикIесра дирехIе.
Ил ахъси даражала баркьуди дигичебдешла, патриотизмала, кумекла ва ВатIан балтахъанти гIеббурцнила лишанни бетарули саби. Цаванзалантала ил журала баркьудлумани бургъантала гьав ахъбурцули, лебил халкь чучил барх биъни балахъули саби. Цадешлизиб саби цIакь.