Хъаршала шилизибси урга даражала школализир 11 ибил класслизир ручIули сари Аминат ГIи­са­ева.
Ил гIяхIти кьи­­матуни кайсу­ли, багьуди им­цIа­би­ахъес къай­гъи­­лизир сари. Ами­нат паргъатси, малхIямси, гIяхI­ти-хIял-тIа­би­гIятла, цар­хIил­тас гIиб­рат­ли ре­таурси рурси са­ри. Школала гIям­­рулизирра или­ни жигарла бу­тIакьяндеш ди­ру. Ил мурталра шко­ла­лизир дура­дур­кIу­ти далдуцуни, конкурсуни детерхахъес бажардилизир сари.
Сунела учительтала, халати адамтала хIурмат барес балули сари, барх бучIутачи ва биштIати дурхIначи дигиличил дугьарилзан.
Олимпиадабачир, конкурсуназир бутIакьяндеш дирули, гьаларти мераначи лайикьриркули рирар. Лебил Россияла кьадрила бучIанти-ургаб бетурхуси географияла олимпиадала республикалашалси бутIализир бутIакьяндеш дариб ва призер ретаур.
ДР-ла багьудила ва гIилмуртала Министерствола шайзирад Грамоталичил шабагъатларарили сари.
Хъаршала урга даражала школала директор Аматуллагь ХIямзалагIялиевани бурули сари:
– Аминат дебали пагьмучерси рурси сари. Илини урус мезла конкурслизир бутIакьяндеш дарнилис гьалабси мер касили Диплом лебси саби. Гьалабван тах шагьарлизиб лебил Россияла кьадрила бучIантала олимпиадабачиб, конкурсуначиб чедибдеш сархибтира, призёрти бетаурти 7-11-ибти классунала бучIантира шабагъатлабариб. Илди-ургар лерсири Аминат ГIисаевара. ДР-ла багьудила ва гIилмуртала министр Я.Бучаевли дурхIни шабагъатлабариб Дипломтира, арцла Сертификатунира дедили.
Ил балбуцличиб лебри пагьмурти гьаладяхI дашахъуси «Альтаир» Центрла руководитель, вузанала ректорти, районтала багьудила управлениебала начальникуни ва школабала директорти.
БучIантачи дугьарилзули гъайрухъун ДР-ла дурхIнала ихтиюртала шайчирси вакил М.Ежова.
Аминатлис гьаннала гIергъира белчIудилизир ва гIямрулизир сархибдешуни имцIадикIаб, школа таманбарили гIергъи, белчIуди даимбарили, чебяхIси даражала багьудира касили, халкьлис манпагIятси санигIятличил регIриэс кьадарбиаб!

С.ГIябдуллаева