Игитдеш, патриотизм ва ВатIайчи диги – нушала улкалис къияндикибхIели гIяхIгъубзнани чедиахъути, биштIали лебалли илдази минадиубти къиликъуни сари.

Илдигъунти багьадуртазивадли ца сай Дахадаевла районна Хъярбукла шилизивадси СягIи­дуллагь Ибрагьимовра. 2022 ибил дусла сентябрь­личирадли илини СВО-лизир бутIа­кьян­деш дирули сари.

71718 ибил дявила частьлизиб къул­лукъ­бируси илини Украинала шагьурти ва шими къачагъуназирадли азаддалтахънила баркьудилизир бутIакьяндеш дирули, сунела дявила чебла асилдешличил таманбирули сай. Илини къуллукъбируси частьла командир А.Ха­би­ловли балахъуливан, къуллукъбирути цаибти бурхIначибадал СягIидуллагьли бажардичевси ва чеветаибси ургъан сайливан сай чеваахъиб. Илини къантIси манзилла бухIнаб дявила бетуцуни дяркъур ва Украинала миллатчибачи къаршили ярагъ устадешличил пайдаладирес бурсивиуб. Ил игитдеш ва гъаб­задеш чедиахъули къул­лукъбирули, ко­ман­дованиела хъарбаркьуни ункъ­ли та­ман­дирухIели халаси хIурматличи лайи­кьи­киб.

2023 ибил дусла июньна 17-личиб Но­во­пок­ровка бикIуси шила мер-мусаличир ка­ди­­кибти дявила анцIбукьунала цаибти бурхI­на­зивал СягIидуллагьли гъабзадеш да­кIу­да­риб­­тири. Бархбас къяббердибхIели, илини ба­та­­льон­тала, полканала ва ротабала ургабси бархбас ка­би­захъурсири. Иличибли гIяс­кур­тас гьу­ни чеби­ахънила баркьуди жи­гар­чеб­биуб­сири ва бахъал бургъантала гIям­ру дер­цахъес им­кан­­ба­кIиб­сири.

2023 ибил дусла сентябрьла 2-личиб су­нела гIямрулис урехи лебниличи хIерхIеили, Ра­­ботино бикIуси шила мер-мусаличиб бяхъибти гечбирнила баркьудилизирра СягIи­дуллагьли жигарла бутIакьяндеш дарибтири. Къаршикартани чекьурти цIа­личи хIерхIеили, С.Ибрагьимовли бяхъиб­тас кумекбарибсири, ва илди урехиагарси мерличи баахъайчи илдачил варх калунсири. Илкьяйдали илини бахъал бургъантала гIямру дерцахъибтири.

Ишдусла апрельла 8-личиб Вербовое би­­кIу­­си шилизиб кабикибси гьужумлизибра Ся­гIи­­­­дуллагьли гъабзадеш чедаахъибтири ва дя­вила анцIбукьуни кадиркути бегIлара уре­хи­­лати мер-мусаличи личный состав ва бур­гъан­тас хIяжатти гIягIниахълуми да­ахъиб­тири. Зу­­мали дашути хIярхIубала заб­­лиув ил тIаш­хIей­­зурли, гьалавяхI ва­шусири, су­нечи хъарси баркьудила мягI­ни­чебдешличила ба­лули. FPV-дрон чегили, машина цIализи гIе­ла­би­киб­хIе­ли, СягIи­дуллагь уруххIейуб ва цIа­ли абал­кун­си ма­шинализибадли дяхъи-хъас­ла­биуб­ти къа­ла­бали суненицун ду­ра­би­тIунтири, ме­ди­ци­­на­­лашалси къалабаси кумек гIеб­баа­хъиб­сири.

Дявила хъарбаркьуни гъабзадешличил т­а­ман­дирни багьандан СягIидуллагь Иб­ра­гьи­мов па­ча­лихъла шабагъатуначи лайикьикиб. Ил «Гъаб­за­деш багьандан», «Гъаб­задеш багьан­дан ибси II-ибил дара­жала» медальтачил шабагъат­ла­вариб.

Бургъантас илкьяйдали кумекличил музау­хъун­си дубурлан гIяхIгъабзала баркьу­ди хIур­матличи лайикьли саби. Бархьаначи бурал­ли, илала адаб-хIяяла ва ламус-ха­тир­ла баркьудилис кьимат абаахъесра хIейрар.

СВО-лизир къуллукъбирес даимиубси ил игит­личибадли мисал касес лайикьли саби. Ила­ла гъаб­задешла баркьудлуми ахIерси Ва­­тIайс къул­­лукъ­бирнила чебяхIси чебла саби ва чеал­кIу­си наслулис ил багьадур патриотизмала ми­салли ве­тарули сай. Ил сай акIуб­си ши­лацунра ахIи, ле­билра нушала улка­лара пах­рули ветаурси игит сай.

Каспийсклизиб хIербирути илала гIям­ру­­ла марси гьалмагъ Аминатра урши Ами­нул­­лагьра ургъанничи хIерли саби ва че­диб­­деш­ра сархили, гъамси манзиллизив ча­ру­хъун­си иличил гьунибаэс биркниличи бир­­хули саби. Халаси узи Набигуллагь ва рузи Лай­ли ЧевяхIсилизи булгули саби дур­гъ­бира таман­диубли, ил ара-сагъли чару­хъа­хъес багьан­дан.

Гъамтала шайзибадси кумекли СягIи­ду­лагь ур­кIичеввиахъаб, чедибдеш сарх­ни­ла гIяхI­си хабарличил сунела кулпетличи ва узи-уршиличи хIулкIули чарухъаб.

Марият Чапарова