Гьалабван нушала газетала марси юлдаш, Уркухъан МяхIяммадла гьатIира назмуртала «УркIила дуклуми» бикIуси жуз дурабухъун.
Жуз жагали бал­кьаахъурси с­а­би, някълизи ка­сиб­­хIели белчIес иштяхI­духъесли. Илизи кадерхахъурли са­ри декIар-де­кIарти те­ма­ба­чилти, жагали зай­­ди­кIути, мурхьси мягI­на­личилти наз­мурти ва поэма. Хаслира авторли ункъли гьаргбирули саби дургъбала тема. Сунени ва сайгъунти адамтани чIямдарибти децI-ши­шимтала ­асар­лиур акIубти бел­кIани дучIухIели, уркIи кьа­кьа­бикIахъули саби. Ди­гахъаси дунъяличир дургъби адилкьути вайнукьаби агарбиубли, я илдала балагьуни чекасес чисалра кьа­дар­хIе­биубли.
Уркухъан МяхIям­мад­личил ну, газетали­зир рузес рехI­ри­хьиб­хIе­ли, тянишриуб­сири. Ил дебали мал­хIямси, паргъатти хIял-тIа­б­и­­гIят­ла вегI, дин-тIя­гIят­ли­чи чекайзурси, хIур­мат­чев­си адам сай.
Гьанна дурабухъунси илала жузра бучIантани дигиличил кьабулбирниличи рирхулра. МяхIяммадлис биалли, гьатIира назмурти лукIахъес арадешра, хъулиб баракатра дулгулра.
ДурхIнани, илдала акIуб­тани хIулуркIахъули, гIямру дер­кIаби, хIурматла шягIир!
БугабикIабгу кьалам
ХIуни някъла кайсуси,
МурхьбикIаб хIела пагьму
ГIялам гIяшикьбиэсли.

Раисат МуртузагIялиева