ХIябибов Халид МяхIяммадович учIули сай Ахъушала урга даражала цаибил школализив 8-ибил класслизив. Халидла виштIахIейчивадал мушулбашнила шайчибси жураличи диги акIубли саби. Дахъал абзаназир илини бутIакьяндеш дарили, гьаларти мераначи лайикьвиркули сай. 2022 ибил дуслизиб  Лавашала районнизиб «Лига спортивных единоборств» бикIуси клублизиб Имам Шамил гьаниркахънилис хасдарибти мушулбашнила шайчирти абзаназир 2-ибил мер сархили Диплом касиб. Машгьурти адамти  гьанбиркахъули  гьар дус детурхути  абзаназиб гьаларти мерани кайсули ва Дипломтачи, Грамотабачи лайикьвиркули сай. «Кубок Цудахара» бикIути абзаназиб цаибил мер касили, Дипломличи лайикьвикиб.

2023 ибил дуслизир бучIанти-ургар районна духIнар детурхути, ДЮСШ-ли хIядурдарибти командаби-ургарти абзаназиб «Чедибдеш сархес гъирачевси» ибси номинациялизив Грамоталичил шабагъатлавариб. Ил дуслизир Хажалмахьилизир детурхути ЧебяхIси ВатIа дергълизиб Чедибдеш сархибхIейчирад 80 дус дикнилис хасдарибти мушулбашнила шайчирти абзаназиб цаибил мер сархиб.

2024 ибил дуслизиб Избербаш шагьарлизир ЧебяхIси Чедибдешла бархIилис багъишладарибти  гIулухъаби-ургар детурхути абзаназиб цаибил мер буциб. ДЮСШ-ла шайзивад «Лучший боец» бикIуси номинациялизиб чуйнара чедибдеш сархиб.

Районти-ургар детурхути  Ахъушала шилизибси ДЮСШ-ли  дурадуркIути  дахъал абзаназирра Халидли жигарла бутIакьяндеш дирули, гьаларти мераначи лайикьвиркули вирар.

2023 ибил дуслизиб  Россияла халкьла цадешла БархIилис ва СВО-ла бутIакьянчибас багъишлабарибси ДР-ла гьалабдеш багьанданси Ахъушала районна ДЮСШ-ли хIядурбарибти дурхIни-ургарти, мушулбашнила шайчирти абзаназив гьалаикнилис Халид ДР-ла багьудила Министерствола шайзивад ЯхIъя Бучаевли цаибил даражала Дипломличил шабагъатлаварибсири.

Гьаннала гIергъира белчIудилизир ва спортла абзаназир сархибдешуни имцIадикIаб сунела!

С.ГIябдуллаева