БуцIарси гьавали адамла арадешлис зарал хес асубирар, хаслира гьести гIямрула адамтас ва биштIатас.
ДахъхIила излума чучила гьанбиркахъу, чарх бемжниличибли арадешла даража хапли вайбиэс бирар.
БуцIарси аргълизив секьяйда верцес вирара?
Хъа дураб буркIуси замана камкабарес;
Хъулибси гьава сагабирес;
Хъуливад дураулхъухIели, дукIути ва шалати рангла палтар челгьес гIягIнибиркур. Дураб кьапIа (шляпа, дуцIрумла бягIуси шляпа, кIана ва цархIилти журала), берхIилизирад хIулби мяхIкамдирути гIячкиби яра чятир дихни чараагарси саби;
ГIяваси хурег, диъ камли букес чебиркур. Илдала мерличиб бялихъла диъ букни гIяхIси саби.
Дураб хаслира буцIарси манзил камли укни пайдаласи саби, савли ва бархIехъ велкъайчи укули.
Хурег хIядурбирухIели, умудешличи, хурег бирнила кьяйдуртачи ва продуктуни дихIниличи хаслира чIумали чекадизес чевкъар;
ШинкIадеш дахъдарни гIяхIси саби: чяй, минералтачилти шин, цIедешла шин, гIявадеш камти дертурти ниъ, дерахъубти цIедешлизирад дарибти шин, витаминтачилти шин. Кьаркьайс даарила кьадар шин дикахъес багьандан, ца бархIи-дугила духIнар 1,5 литр шинна бужес чевкъар.
ИлхIелира урцецунала яра уркIила-тумала изала лебсилис дахъал шинкIадеш дужни заралласи биъни хъумартес асухIебирар.
Имкан лебни хIясибли, бархIи ахъайчи гьачамалра дяргIибти шинни чарх-бекI ицни пайдаласи саби;
Транспортличив вет-садвашес савли яра бархIехъ, буцIардеш камлихIели, бажардибиреная;
Авлахъличиб кьаркьала ицес ил баркьудилис хасдарибти мераначибцун асубирар, мяхIкамдеш дакIубирули.
