МяхIячкъалализиб «Газпром межрегионгаз» ГРО ООО-ла ва «Газпром газораспределение»-ла хIянчизартани газ пайдалабирухIели мяхIкамдеш бирнила ва нукьсандешуни гьардирнила шайчир ахтарди дураберкIиб. Илди хIянчила дазурбазиб дахъал дерхIанар юртаназир газла гIягIниахълуми сегъуна даражаличир сарил ахтардидариб. Гьалабван Энгельсла кьакьализибси 55 ибил 100 квартираличилси юртлизиб ахтарди дураберкIиб.
Газовикунани хасси пикри бяхIчииулри абонентуначи, чулира план хIясибли техобслуживаниела ахтарди дурабуркIухIели, газла гIягIниахъалаличи хIеръахъес диргалабулхъути. Илдани газ пайдалабирутала техобслуживаниеличила вягIда, газла печани ва цархIилти газла гIягIниахълуми дузахънила тяхIяр-кьяйда ахтардидариб.
Баянти хIясибли нукьсандешуни гьардариб, сарира вентиляцияла ва гав ардашути тIярхъубачил дархдасунтира, цархIилтира. Илкьяйдали газовикунани газла гIягIниахълуми ихтияр агарли пайдалабирути цацабехIти абонентунас газ гIекIиб.
Лебилра газ пайдалабирути адамтачил хIянчизартани иргъахънила хIянчи дураберкIиб, газ мяхIкамдешличил пайдалабирниличила бурути памяткаби дедиб.
Газовикунани илдигъунти хIянчи гIуррара даимдарес пикри саби.
