Дагъистан Республикала Халкьла Собраниела Председатель Хизри ШихсягIидов отставкаличи арякьун. Илгъуна хIукму кьабулбариб ДР-ла парламентла депутатунани яргаличилси сессияличиб.
Илкьяйдали Х.ШихсягIидовли гъамси заманализив къуллукъличивад арукьес дигниличилара буриб. Дагъистанна парламентлизиб багьахъурливан, илис бекIдешдирусила къуллукъуни заманалис дузахъу цаибил заместитель СайгидгIяхIмад ГIяхIмадовли.
Х.ШихсягIидовли республикала парламентлис бекIдешдирусила къуллукъуни дузахъутири 2013 ибил дусла февральла 7-личирад. Илис гьалав «Цаси Россия» партияла шайзивад шуйнайс ва урегнайс бикIибси Пачалихъла Думала депутатли, Дагъистанна Правительствола Председательли вирусири.
Сагали биркIуси Дагъистанна парламентлизи выборти 2021 ибил дусла гIебшнилизир детурхар.
