Ахъти дубуртала-ургаб мерлабиубли саби наб ахIeрси ши. Санжила ши Дахадаевла районнизи кабурхуси саби. УркIилис дебали гIядабли саби, сенахIенну лебилра шила халкь диркьала мерличи гечбиубли, ши бацIкабухъунхIели. 1960 ибти дусмачибад бехIбихьили, бахъалгъунти адамти Къаякентла, Къизларла, Дербентла районтазиб мерлабиубли саби.
Ну, Карина БяхIмудова, Дагъиста университетла студентка Санжила шилизир акIубси ахIенра, амма гьачам бегIтачил рарх, дуцIрумла замана ила рякьунхIeли, дила разидешлис ахир аги, сенахIeнну тIабигIятла жагадешли уркIи хIяйранбирахъулри. Ахъти дубуртала ургаб, хабарлизиб кьяйда, дягI шятIбикIуси мерличи, шурми, къаркъуби-ургаб кьарлизибад бетаурси гъярцIси гьуникад Санжи гьалабла делхълизиб кьяйда, кьарлизи гIeлакабикили, паргъатдешлизиб сабри. Лерилра хъулри гъятIбиълумачи шурдухъири. Ишаб дила бегIти, бегIтала бегIти акIубти саби, чумра разити бархIи деркIиб дургар илдани, илар дурхIнала шалати хьулани ва пикруми дурги ишар. Гьанна биалли — кьарли дуцибти кьакьурби, заб-маркали ва дяхIили заядарибти хъулри, гьарил улкьайлизиб, чила-сабил гIямрула талихI, чина-сабил дигIянбикили, сихIрула хабарличи шурбухъири…
Карина БяхIмудова, ДГУ-ла филологияла факультетла журналистикала отделениела магистратурала 1-ибил курсла студентка
