Ахъушала урга даражала цаибил школала  5-ибил класслизив  гIяхIти кьиматуначил ва спортла шайчир сархибдешуни дирахъули учIули сай МяхIяммад МяхIяммадхIяжиев.

2023 ибил дуслизир  МяхIяммадли Урхьучимахьила шила администрацияла бекI МяхIяммадов ГIяхIмадхIяжи Кайнуровичли дурадуркIахъути боксла шайчирти  абзаначир цаибил мер буцили, Грамота сархиб.

2024 ибил дуслизир МяхIяммадли, 5-ибти классунала бучIанти-ургар детурхути «Школьная футбольная лига» бикIути республикала кьадрила, мерла яргала, футболла шайчирти абзаназир бутIакьяндеш дариб. Илаб кIиибил мер буцили, «Ахъушала район» МО-ла администрацияла багьудила управлениела шайзивад Грамоталичи лайикьвикиб.

Ил дуслизир Ахъушала дурхIнала  ва гIулухъабала спортла  школали дурадуркIути боксла шайчирти абзаназивра МяхIяммад МяхIяммадхIяжиев цаибил мерличи лайикьвикиб ва ДЮСШ-ла директорла  шайзивад Грамоталичил шабагъатлавариб.

МяхIяммад «Самый лучший по технике чтения» бикIуси белчIудила шайчибси абзлизибра  гьалабси мер сархили, Грамоталичил шабагъатлавариб.

Гьарра шайчивад пагьмучевси МяхIяммад цархIилти зилантас гIибратли ветаурли сай, гIяхIти кьиматуначил учIули, спортла шайчир сархибдешуни дирахъули, школала гIямрулизир жигарла бутIакьяндеш дирули.

Челябкьлализир спортлизирра ва белчIудилизирра сархибдешуни имцIадикIули, гIяхIти кьиматуни кайсули хIериэс кьадарбиаб!

С.ГIябдуллаева