Хайдакьла район­низиб хIебла при­зывла хIяра­кат жи­гар­чебли бетурхули саби: 26 жа­гьил адам Россияла гIяр­мия­лизиб къуллукъ­ба­рахъес гьуниббатур.
Дявила комиссариатла гьалаб савлиличибад сакIубдеш сабри. Уршби гIярмиялизи гьуниббатес бакIилри бегIти, юлдашуни, гъамти.
Илкьяйдали илдас разили гьунибаиб военкоматла вакилтира. Жагьилти гIярмиялизиб къуллукъбарахъес жибирнила отделениела начальник МяхIяммад Пашаевли буриб: «Вирхулра, Хайдакьла уршби, Россияла гIярмияла къяяназир къуллукъуни ункъли тамандарили, сагати мурадуни детерхахъес мурталра хIядуртили, гьарли-марти мурул адамти бетаурли, хъули чарбулхъниличи». Илини лебилра призывникунани къуллукъбарес хIядурлил-ахIенал, ил лугIилизиб — арадешла даражара, белгибируси медицинала комиссия ва дагьрилашалси тестирование ахъибти сари или чеимцIабариб.
Жагьилтала гъамтанира илдас ванати дугьби дуриб, Россияла солдатла у илдани пахруличил бихахъес, дявила санигIят ункъли бяркъяхъес дигули биъни аргъахъиб. Хаслира пикри бяхIчиаэс гIягIниси саби или буриб хасти тяхIяр-кьяйда дузахъниличи, командиртала ва барх къуллукъбирутала хIурматбирниличи, дявила техникаличи хIеруди бирниличи. Илдазибад бахъалгъунтани буриливан, гIярмиялизиб къуллукъбарни — гьарил жагьил адамла гIямрула мягIничебси бутIа саби.

Хайдакьла районна администрацияла пресс-служба