Коронавирусла балагьличила дурути кIел дусцадхIи сеналра камдирули ахӀен. Ил секӀал лебтасалра хӀейгибилзули саби.

Коронавирус ибси дев бакьибхӀели, бекӀ изескабирули саби араси адамлара. Чараагарли лебилра разибиркур «иш балагь хъумартес дигахъира» или бурасли.
Се барсбиуба ил изайчил нуша дяхI-дяхIли къаршидикибхIейчибад? БегӀлара гьалаб адамтала урехи камбиуб, лебтанилра аргъиб ил изала агарбарес вирни, багьур секьяйда вегӀла арадеш илизибад мяхӀкамбарес вирарал ва хаслира мягӀничебси анцIбукь кабикиб – вакцина пикрибариб.
Се саби вакцина? Ил чейхъуси иза (вирусла) хIярхIдиубти яра дебкIибти жураби сари, нушала кьаркьайзи укол барили, духIнакайути. Нушала чарх илдала кумекличил изайс къаршидеш дирес бурсикабирар.
Амма гьанна бахъал адамти урухкӀули саби вакцина барахъес, алавчарли тIинтIдирути дахъал лайикьагарти дугьбачи лехIбилзули. Духуси адамли биалли, илдачи пикри бяхӀчихӀейу, ил бегӀлара гьалав вегӀла ва гъамтала арадешличила пикриикӀар. Изала багьла-багьлали беткахъахъес, иличила тамай хъумкартес багьандан, бегӀлара гӀяхӀси баркьуди — вакцина барахъни.