Сергокъалала район­­на админист­ра­ция­­лизиб муни­ци­па­ли­тетла бекI Арсен Мя­хIям­­ма­­довла дявила хасси бал­буц­ла бутIакьянчи СягIид Му­саев­личил гьуни­баъни бе­терхур.
Илала дазурбазир бургъан­ти гIеб­бурцн­ила ва дя­вила хъар­­­бар­кьуни та­ман­ди­рути под­раз­де­ле­ниебачил барх буз­ни­ла ма­съулти пик­ри­да­риб.
СягIид Мусаевли районна бекIлизи командованияла ва дявила частьла личный составла шайзибад шабагъат бедиб. Донецкла ва Луганскла Халкьла Республикабала, илкьяйдали Украинала мер-мусаличиб дявила хасси балбуц дурабуркIнила аги-кьяйдализиб кумек гIеб­биахъ­ни­лизи мягIничебси пай кабихьни багьандан, полкла командир Владимир Кукурикани Сергокъалала районна бекI Арсен МяхIяммадовлис Гра­мота ва «Фронтлис кумекбар­нилис» медаль дедиб.
СягIид Мусаевли белчIунси шабагъатла белкIлизиб районна бекIли гIеббаахъибси кумек сеналра хъумуртуси ахIен или балахъулри.Частьла командованиели Арсен Мя­хIяммадовлис уркIи-ур­кIи­лабад баркалла балахъулри. Илкьяйдали илдани районна бекIлис чIумаси арадеш, баракат, даршудеш ва цадеш далгун.
Сергокъалала районна багьахънибала центр