Дахадаевла районна КьярбачIимахьилизивадси Жамалов МяхIяммад Кьурбанович СВО-лизиб къуллукъбирухIели, игитдеш чедаахъни багьандан гьалавван Суворовла орденничил шабагъатлаварили сай. Украинализиб дявила хасси балбуц бехIбихьибхIейчивадли ил, сунени чеббикIибси санигIятлис мардеш дирули, гъабзадешличил ургъули сай.

МяхIяммад Кьурбановичла шабагъатуназиб Суворовла орден гIергъисигъуна саби. Илала михъири жагабарили саби «За участие в миротворческой миссии в Сирийской Арабской Республике», «Кавказлизиб къуллукъбарни багьандан», «Дявилизив декIарухъни багьандан», » Жуковла уличилси», «Северный Кавказлизиб къуллукъбарни багьандан» ибти ва цархIилти шабагъатунани. Илини ВатIайс къуллукъбирнила баркьуди ахъли кьиматлабирнила ил камси бутIацун саби.

ВатIайс мардешличил къуллукъбируси кьярбачIимахьиланни нушала уркIби пахрули дирцIахъули сай. МяхIяммад Кьурбановичлис къаркъагъуна арадеш булгехIе ва ил чедибдешличил ара-сагъли сунела кулпетличи чарухъи дигниличила балахъулра.

Дахадаевла районна администрацияла пресс-служба