Дахадаевла районна бекIла заместитель Артур ХIямзатовли «АхIерси школалис савгъат пешкешбара» бикIуси балбуц гIеббуциб, сабира республикала БекI Сергей Меликовла сипта хIясибли, Дагъиста мер-мусаличиб бетурхуси.

А.ХIямзатовли сай учIули калунси Уркарахъла дахъал шалубарси лицейлис проектор пешкешбариб.

«АхIерси школалис савгъат пешкешбара» бикIуси балбуц – школализиб бучIантала шуртIри къулайдирниличи бяхIчиаибси, гIяхIси сипта саби. Артур ХIямзатовлира ил гIеббуциб.

«Илдигъунти далдуцунани дурхIнала багьудлумачи гъира имцIабирахъу. Гьалаб школализиб бучIули калунтани ахIерси школаличи пикри бяхIчииънирп, дигеси саби. Ил патриотизмала ва белчIуди гIеббурцнила гIяхIси гIибрат саби», — бурули саби школала директор МяхIяммадрасул ГIябдурашидовли.

А.ХIямзатовли сунела мугIяллимтас баркалла багьахъур, илдала гьарил учIаннизи мурхьти багьудлуми касахъес дакIудирути къайгъни багьандан. Илини илкьяйдали бархкьябира балбуц гIеббуцахъес — саби бучIули калунти багьудила учреждениебас савгъатуни пешкешдарахъес жибариб.

Дахадаевла районна администрацияла пресс-служба