Дявила хасси балбуцлизир бу­тIа­кьян­деш дируси Дахадаевла район­низивадси Кьурбан Ра­ба­да­нов­ «Дагъиста халкьла игит» ибси шабагъатличи лайикьикили сай. Гьа­лаб­ван ур­гъаннис шабагъат районна ад­ми­нист­ра­ция­ла со­вещаниебала заллизиб бедиб.

Ургъан шабагъатлавирухIели бахъал хIур­матла адамти, районна администрацияла аппаратла ва къуллукъла хIянчизарти цала­бикиб. Илдала лугIилизив районна бекI Мя­хIям­мад ГIябдулкьадировра.

Украинализир дявила анцIбукьуни дехI­ди­хьибти цаибти бурхIназивал Кьурбан Рабадановли илар бутIакьяндеш дирутири. Ургъанна игитдешла баркьудила ва илала ВатIайс мардешла мягIничебдешличила бурулри илкьяйдали шадлихъла аги-хIяйзиб балбуц ду­ра­­беркIнили.

Балбуцличи цалабикибтани ургъаннис къугъати гъай дуриб ва, чедибдешра сархили, Кьурбан хъули чарухъи дигниличила багьахъур. Илкьяйдали дурибти гъайли бургъанти ва илдала хъалибаргуни ур­кIичеббирахъу, жамигIятлизиб балгундеш им­цIабирахъу.

Сунела яргализив Кьурбан Рабадановлира илгъуна ахъси кьимат бедни багьандан районна руководстволис баркалла багьахъур. Илини буриб ил шабагъат сунела сархибдешцун ахIен, дунъяличиб ва нушала улкализиб даршудеш калахъес багьандан бургъути сунела командализибти ва цархIилти патриотуналара илаб пай лебси саби или.

Илдигъунти далдуцунани ва бургъанти гIеб­бурцули, дурути къугъати гъайли СВО-лизир бутIакьяндеш дирути багьадурти уркIи­чеб­бирахъули саби.

Дахадаевла районна администрацияла ­пресс-служба