Нушала бахъал цаванзалантани хасси балбуцлизир бутIакьяндеш дирули сари. Илди лебтанилра чучи бихьибси умут марбирули саби. Иш макьала ВатIа хъархIерагардешлис къарауйчибти гIяхIгъубзнала къяяназивадси Сергокъалала районна Мяммаулла шилизивадси МяхIяммад Мяммаевличила саби.
ВиштIахIейчивад М.Мяммаев дебали разиси, шадиб-гьундури, далай-делхъ дигуси урши вирусири. Шила школа таманбарили гIергъи, 1998 ибил дуслизиб культпросветучилищелизиб белчIуди илини даимбарибсири.
2002-ибил дуслизиб белчIуди хъараахъурли, ил шилизи чарухъунсири ва илабси культурала Юртлизиб художественный руководительла бузери бехIбихьибсири. 2020-ибил дусличи бикайчи М.Мяммаевли ил хIянчи бузахъули калун ва гIяхIси далайчи-макьамчи кьяйдали машгьуриуб.
2020-ибил дуслизиб илини РФ-ла Ярагъладарибти ЦIакьаназиб вягIда бигьунсири. Владикавказлизибси дявила частьлизиб къуллукъбирусири. Илкьяйдали дявила оркестрлизира керхурсири. Украинала мер-мусаличиб хасси балбуц бехIбихьибхIели, МяхIяммад ита вархьибсири.
Далайла пагьличил дявила гьалмагъунала гьав ахъбурцули, ил мурталра гьалав вашули сай.
«Гъабзадеш багьандан» медальличил ва «Гъабзадешла орден»-ничил ил шабагъатлаварили сай. МяхIяммад Мяммаевлис чIумаси арадеш ва дявила гьав ахъли бихахъес имкан булгехIе. Нушала гIяхIгъубзни чедибдешличил жяв-жявли хъули чарухъаб!
Сергокъалала районна багьахънибала центр
