Абакаров Ималутдин Рабазанович акIубси сай Хайдакьла районна Санчила шилизив 2004 – ибил дуслизив, РФ-ла Ярагъладарибти ЦIакьанала ветеран Рабазан Абакаровла ва Зарипат Абакаровала хъалибарглизив.

Дудешлизибат гIибрат касили, Ималутдинни дявила санигIятличил сунела гIямру дигьес виштIахIейчивад кьасбариб. Спорт дигахъуси, араси урши кьяйдали ил халакайулри.

УрчIемал класс делчIи гIергъи, илини Ставропольла технический колледжлизиб белчIуди даимбариб. КIинайс Хайдакьла ва Дахадаевла районтала дявила комиссариатли РФ-ла ДОСААФ-ла МяхIячкъалализибси автошколализи вархьибсири.

Дусми аркьуцад дявила къуллукъличи илала дигира имцIабикIулри. ГIярмиялизиб къуллукъбирни – ВатIа ва халкьла гьалабси гьарил мурул адамла чеблализи илини халбирулри.

2023 ибил дуслизиб белчIуди таманбарили гIергъи, гIярмиялизиб къуллукъбарес дигуси Ималутдин военкоматлизи дугьаизур.

Гьанна бусягIят илини хасси мотострелковая бригадализиб къуллукъбирули саби.

Россиялис къиянси манзиллизиб ВатIа гьалабси чебла ихъуси Ималутдин, сунени чедаахъибти  гъабзадешлис, дявила хъарбаркьуни ункъли детурхахънилис  дявила 01485- ибил частьла командирла къуллукъуни заманалис дузахъуси С.Якушевли ХIурматла Грамоталичил шабагъатлавариб.

Хайдакьла районна администрацияла пресс-служба