Ишди бурхIназиб  «Ахъушала район» МО-ла администрацияла актовый заллизиб СВО-ла бутIакьянчиби:  узби АбкилагIяли ва ГIялихIяжи ИсмягIиловхъалачил ва Руслан Маллаевличил гьунибаъни бетерхур. Илди гIяхIгъабза бургъанти  камси заманалис отпускличи хъули бархьибти саби.

Гьунибаъниличир бутIакьяндеш дариб «Ахъушала район» МО-ла администрацияла бекIла цаибил заместитель МяхIяммад ИсмягIиловли, шимала бургани, учреждениебала, организациябала руководительтани ва жавабла хIянчизартани.

СВО-ла бутIакьянчибани буриб чула ВатIан ва халкь багьандан дурабуркIуси   дявила къуллукъличила, илдас бурхьуси кумекличила, дедлугути арцла кьадарличила, хъалибаргунас  гIеббиахъуси кумекличила.

Илар  бургъантази жура-журала суалти хьардаиб.

Балбуц таманбирухIели, районна бекIла  заместитель МяхIяммад ИсмягIиловли буриб Ахъушала  районнизибадти бургъантала гъабзадешличила, илдала гьунартачила, илдани сегъунти къайгъни дакIудирулил пачалихълис мяхIкамдеш ва  челябкьлализиб  даршудеш биахъес багьандан.

Илини аргъахъиб районна администрацияла шайзибад   СВО-ла бутIакьянчибас ва илдала хъалибаргунас сегъуна кумек хIяжатли биалра,  ил гIеббиахъуси саби или.

 С.ГIябдуллаева