Лавашала районна ад­минист­ра­циялизиб «Ду­буртала гьан­би­ку­ни» би­кIуси Дагъиста ре­гион­на жа­ми­гIятла организацияла ва дя­вила хас­си бал­буцла ветерантала Ас­­со­циа­цияла мер­ли­чибси от­делениела сагаси пред­се­да­тель­личил тянишбирнила балбуц бе­тер­хур.
Балбуцличир «Дубуртала гьан­бикуни» ДРОО-ла руководитель МяхIяч Шами­ловли, Ла­вашала районна бекI Мухтар Ха­лал­мя­хIям­­мадовли, илала замес­ти­тельтани, администрацияла хIян­чи­зартани ва СВО-ла ветерантани бу­тIа­кьяндеш дариб.
Организацияла председательла къуллукъличи СВО-ла бутIакьянчи Руслан ГIисаев канди­да­тура гьалабихьибсири МяхIяч Ша­­­миловли ва Мухтар Халал­мя­хIяммадовли. Ца­ла­­­бикибти ветерантани илдала пикри гIеб­бу­циб.
Балбуцла ахирличиб районна бекI Мухтар ХалалмяхIяммадовли гьалавла председатель Ильяс Ибрагьимовлис Лавашала район­низибадти СВО-ла бутIа­кьян­чибачил варх жигарчевли узули, са­бу­хъ­чебси хIянчи барнилис бар­­калла багьахъур.
Сагаси председательличил тя­ни­шбирули, Расул ГIисаевли фронтла къияндешуни лерниличила ва бургъанти гIеббурцес хIяжатли биъниличила буриб Мухтар ХалалмяхIяммадовли.
«Расул МяхIяммадович – ветерантала гьалар тIашдатурти масъултачил гьарли-марли тянишси адам сай. Илала дявила устадеш, юл­дашунани бируси хIурмат, адамтас кумекбарес ибси уркIи-ур­кIи­лабадси кьас бехIбурцуси бузерилис дебати хьулчнили детарар», — аргъахъиб районна бекIли.
М.ХалалмяхIяммадовли Р.ГIи­саев­лис жавабкардеш дихуси къуллукъличир гьарбизуни далгун ва илала бекIдешлиуб мерличибси отделениели СВО-ла бутIакьянчибира илдала хъалибаргунира гIеббурцнила баркьуди даимбирниличи вирхни аргъахъиб.