Гъунибла районна Гъунибла шилизиб Дагъистайзиб гьар дус дурабуркIуси «Дусла му­гIяллим» бикIуси конкурсла цаибил ярга бетерхур. Илизир бутIакьяндеш дариб дубуртала мер-мусаличирти вецIну ца­ра районнизибад бакIибти урус мезла ва литературала мугIял­лим­тани.

Ахъушала районнизирад конкурсла бутIакьянчи сарри ТIан­тIа­ла урга даражала школала урус мезла ва литературала мугIяллим Ильясова Марьям МяхIяммадовна. Иличил рарх лерри районна багьудила ва спортла управлениела методкабинетла хIянчизар Вазирова ПатIимат ГIялиевна.
— «Дусла мугIяллим» би­кIу­си конкурс — учительтала гIям­­­­­рулизиб де­бали мягI­ни­чеб­си­­­ анцIбукь саби, — бурули са­ри ПатIимат ГIя­лие­в­­нани, — илини пе­­дагогунала багьудлуми, устадеш, пагьму, са­ни­гIят­ли­чи диги, дурхIначил ва илдала бегIтачил бархбас буза­хъес бални, кол­лек­тивлизиб уржили балбикни ва гIяхIцад цар­хIил­тира учи­тель­­тала гIяхIти къиликъуни гьаргдирули сари. Нушала му­гIя­л­­лимтани ил конкурслизир гьар дус бутIакьяндеш дирули би­рар.
КIел бархIи бухъянбитIунси конкурслизир бу­тIакьянчибани «Гьаргси дарс», «Классла ся­гIят», «БегI­тачил собрание» ва цархIилти школализир ду­за­хъу­ти тяхIяр-кьяйда чедаахъиб.
— Илдас имканбакIиб цали цала устадеш чедаэс, сагати­, дарс бирнила гьаркьяти тяхIяр-кьяй­да­личил тянишбиэс. Нунир­а илар дахъал гIяхIти секIал дагьурра,—бурули сари Марьям Илья­совани. —Илар наб къарширикиб ДГУ-лизир ручIухIели нушала преподавательли рузули калунси Муслимова Миясат Шейховна. Гьанна ил рузули сари Дагъистан Республикала багьуди гьа­ла­бяхI башахънилизиб бузуси институтла (гьалабла «Институт усовершенствования учителей») ректорла цаибил заместительли. Миясат Шейховна рикIи: «Ну разилира нуни ру­чIахъули ка­лунси студентка гьанна ишар, конкурсличир чераэс. Дила къайгън­и заяли­ ар­дякьи ахIен».
Конкурсла бутIакьянчибас Гъунибла районни гIяхIти гIя­хIял­деш дариб, лебилра савгъатуначил ра­зи­бариб.