Хьар МахIаргила КДЦ-ла хIянчизартани ­СВО-ла бутIакьянчи, Россияла Ярагъ­­ладарибти ЦIакьанала капитан ГIя­ли­­беков ГIяли ХIясангIялиевичличил гьу­ни­баъни дураберкIиб.

Балбуцлизир бутIакьяндеш дариб илала бегIти — ХI.ГIялибековли ва А.ГIя­лие­вани, Бурдекила шила администрацияла бекIла заместитель Мирза Алхилаевли, «Эркиндешличи» газетала корреспондент ХIясбан Амирчупановли, Сергокъалала МКДЦ-ла хIянчизарти И.ГIялибековли ва Р.Халимбековани.
Балбуц бехIбихьиб библиотекала заведующая СултIанат Халимбековани ва ГI.ГIялибековла гIямруличила гIяхIлази буриб. КIинайс бегIтас гъай бедибхIели, илдани 11 баз уршиличи хIерли биъниличила, чула пикруми-хIяланачила буриб. Илис гIергъи, сай ГIялизира гъай бедиб. Сунела яргализиб илини къаршидикибти къияндешуначила кам-гьамли буриб. «Украинализиб хасси балбуц бетурхнила манзиллизир нушала гIярмияла чедибдешуначил дарх гьархIебизунира диуб. Сецад къиянни биалра, нушала дагъистанланти гъабзадешличил итаб бургъули саби», — викIи ил.
Балбуцла дазурбазиб Ибрагьим ГIя­либековли СВО-ла бутIакьянчиби, нуша­ла цаванзалантас хасбарили сунени бел­кIунси назму белчIун. Культурала хIян­чизартани ва школала бучIантани гIяхIлас далай-делхъ чедаахъиб. Илкьяйдали далуйти делчIун: Ш.Халаладзиевли, Р.Ха­лимбековани, З.ГIялибековли, Р.Мя­хIям­мадовли ва ХI.Халимбековани.
Ахирличиб СВО-ла бутIакьянчила бегI­тани балбуцла сиптакартас ва бутIа­кьян­чибас халаси баркалла багьахъур.

Сергокъалала районна багьахънибала центр