Ишди бурхIназир Дахадаевла районна Кьункьила шила Гь.М. Кьурбановла уличилси «Кьункьила СОШ» МОУ-ла сагаси директорли рикIили сари Рабаданова ГIяшура Расулуллагьовна.

Бурес гIягIнибиркур, ГIяшура Рабадановани 2009-ибил дуслизиб ДГПУ хIунтIена дипломличил хъараахъур ва ил дуслизирал сари ручIули калунси Кьункьила школализир учительли рузес рехIрихьиб.
ГIергъитигъунти хIябал дусла ургар ГIяшура Расулуллагьовна баягъи ил школала директорла заместительли рузули калунсири.
ГьанбуршехIе, 2016 ибил дусла октябрьличивад Гь.М. Кьурбановла уличилси «Кьункьила СОШ» МОУ-ла директор сайри Халикь Рабаданов (Кьункьила шила гьаннала бекI).
ГIяшура Расулуллагьовна, хIу илцадра халаси къуллукъличи черрикIниличил мубаракрирулри!
ХIед арадеш ва гьатIира дахъал сархибдешуни дулгулра.