Гьалабван Да­ха­даев­ла районна Иван-кутанна та­ман­­ни ахIенси урга даражала шко­лала му­гIял­лимтала кьукья­ли­чил Ал­жанбеков Мурад ХIя­жимурадович гьуниваиб.

Илини нушала мугIял­лим­тази дарсличир компьютер­тала сагаси тяхIяр-кьяйда дяр­къяхъес, хIянчилизир къар­шидиркути къияндешуни арзахъес гIягIнили биънили­чила аргъахъиб. Илизи му­гIял­­лимтани декIар-декIарти суал­тира хьардиулри. Мурад ХIя­­жимурадовичли лерилра суал­тас жавабти дедлугули ва лай­­икьти насихIятуни гьала­дир­­хьули, гIяхIси ихтилат ду­ра­­­бер­кIиб.
Мурад Алжанбековли ком­­­пью­терла сурсатуни пай­да­ладир­нила мягIничеб­деш­­личила бу­риб. Илдани му­гIял­лимлара бу­чIан­талара бузерила сабухъчебдеш ахъбурцули, дарсла замана мяхIкамбирули, гIил­му­личи дурхIнала иштяхI им­цIа­бирахъули биъниличила ар­гъахъиб.
Алжанбеков Мурад ХIяжи­мурадович гIилмуртала кандидат, ДГУ-ла кафедрала доцент, гIилмула 80 хIянчила автор сай. Илини Дахадаевла районнизир цархIилти школабасра методикалашал кумек гIеббиахъули бирар. Ил районна школабала мугIяллимтас дяхI шалали гьунивиур. Му­гIял­лимтала хIянчилизир къаршидиркути къияндешуни арзес сунени вирусигъуна кумекбиру.
М.Алжанбековли буриливан, нушала ФГОС-ла тIалабуни дарс­дикIули сари. Илди хIя­сибли, дяркъес гIягIнили сари бу­зерилизир пайдаладирути тех­нологиябала бетуцуни. Ил­да­ла, гьайгьайрагу, бел­чIу­ди­ли­зиб халаси мягI­ни­чеб­дешра леб.
Нушала школала мугIял­лим­тала кьукьяли Мурад ХIя­­жимурадовичлис халаси баркалла багьахъур, дура­бер­кIиб­си хIянчилис, аргъбаибти масъулти гьунчиди­кахъ­нилис.