Хайдакьла районна Санчи бикIуси ши­ли­зивадси 17 дус виуб­си ГIяли Кьасумбековли Ир­­кутск шагьарлизиб панк­ратионна шайчиб дура­бер­кIибси Россияла чем­пи­онат­ли­зир бутIакьяндеш да­рили, 83 килограммла би­тIакI­ли­зиб 3-эсил мер касиб. Мя­хIяч­къалализибси Gashimov_time бикIуси спорт­зал­ли­зив мушулвашахъес бур­си­ируси сай ил Абу­бакр Га­лимовли. Илала спорт­личи диги акIубтири 13 дус виуб­хIе­ли. ИлхIели ГI.Кьа­сум­беков Мажалисла ши­лизив хIе­­ри­русири ва район­на гIу­лу­хъа­ба­ла спортла шко­ла­ли­зи ва­шу­сири.

9 класс делчIи гIергъи, ГIя­лини МяхIячкъалализибси Автомобильтала ва гьундурала колледжлизиб белчIуди даимбарибсири. Уршили жигарчевли мушулвашнила бузерира даимбариб. Авал дусла манзиллизир илини жура-журала абзаначир бутIакьяндеш дирули дахъал медальти, грамотаби, кубокуни сархиб. Илала савгъатунала тIакьализиб FCA-ла ирира леб.
ЧР-лизир дурадеркIибти СКФО-ла абзаначиб 2-эсил мер касили гIергъи, ил Россияла чемпионатличи вархьибсири. Ил абз­личира урши жагали хIядуриуб. Чемпионатла дазурбазив, ГIяли хIябал мушлукьячил къаршиикиб ва кIиличивад чедиикиб. Илкьяйдали, 3-ибил даражала ме­дальличи ва дипломличи лай­икьи­киб.
Сунела челябкьлализирти пикруми-кьасаначила бурули, ГIялини спортлизив гьалавяхI вашес дигниличила буриб.
«ГIямрулизиб адамлис белчIудира хIяжатси саби, амма наб спорт цаэсил мерличиб саби. Ил багьандан, спортла ахъанайтачи ацIес жигарчевли узес пикри саби», — иб илини.