Апрельла 17-личиб РФ-ла Пачалихъла Думала депутат Жа­ма­ладин Набиевичла ку­мек­чи­би Арсен Булатовли ва Ольга Портнягинани Ла­ва­ша­ла районна бекI Шамил Да­би­шевличил барх районна ад­министрациялизиб халкь кьа­бул­бариб. Лавашала район­на декIар-декIарти ши­ма­зи­бад­ти адамти челукьути ма­съул­та­чил дугьабизур. Хъар Ляб­­хъу­лизивадси ХIямзат ГIя­лиев шила жигарчебси кьу­кья­­ла шайзивад хутIла шала бялш­­нила хIекьлизив ду­гьаи­зур. Камси заманала бухI­наб районна хутIла ка­биз­лич­ил барх шилизибси къатI­ла стан­ция барсбарахъес хъар­бариб.
ХахитIа шила бекI Шамил Арсланбеков шила духIнарти кьакьурби шалаличил ва шанти шинничил гIеббуцнила ма­съул­тачил дугьаизур.

ЦIудхъурла шила бекI Ша­мил Куршиев Хъар ва Хьар Лябхъула, УллугIяяла, Эб­дал­гIяяла, Сулайбакентла шимала шанти буланра дугьабилзути больницара поликлиникара арагIерли сагадирнила хIекь­лизибси масъалаличил дугьаизур. Илкьяйдали Ха­хитIа шилизиб сагаси школа тIаш­батнила ва ЦIудхъурла шилизиб дурхIнала анхъ абхьнила хIекьлизивра.
Халкь кьабулбируси бархIи, районна мер-мусаличиб ши­ла хозяйствобала цалабяхъ гьа­ла­бяхI башахънила шайчирти масъултира хIердариб. Районна бекI Ш.Дабишевли хасти органтази дугьабизуртала масъулти арзахъес хъарбариб. Парламентла члентани районна шимазибадти адамтала цалра дугьабиз пикрила дураб кахIевлан или багьахъур. Шимала масъулти арзахъес багьандан, республикала ведомствобази ва министерствобази депутатла кагъурти дурхьу.