Мартла 10-личиб ДР-ла БекI Сергей Ме­ликовли рес­­пуб­ликала мер-мусаличир ко­­ро­­навирусла чейхъуси изайс къар­­шидеш дирахънила шай­­чиб­си къалабаси штабла яр­га­ли­­чилси заседание дура­бер­кIиб.

Аги-кьяйда гIяхIла шайчи дарсдиубли

Иличир регионнизиб COVID-19 тIинтI­бикI­­ниличил дархдасунти аги-кьяйда, илкьяйда бусягIят дузахъути къадагълуми хIярхIдарахъести имканти хIердариб. Республикала БекI­ла пикри хIясибли, илис сабабтира лер: гIергъити чумал жу­мягIла духIнар Дагъистаннизир аги-кьяйда гIяхIла шайчи дарс­диубли сари. ЗягIиптала кьадар камкабиубли саби, иза­ла къиянбулхънила анцI­бу­кьу­нира илцад-декIар дахъал агара.
Регионна Роспотребнадзорла руководитель Н.Пав­лов­­ла гъай хIясибли, Дагъистан­низиб якьин­­биубли саби изала тIинтI­бикI­­нила анцI­­бу­кьуни камкадиъни.

ГIядатлати ­низам-кьяйдаличи шурдалтули

Дагъистанна арадеш мяхI­кам­би­рахъ­нила шайчирси ми­нистр Т.Беляевани су­нела шайзибад багьахъур, хур­гьрала ва коронавирусла изайзи бикибтас далкьаахъурти койкаби медицинала вер­хIел учреждениелизир урасили сари или.
Илала гъай хIясибли, гIер­гъи­си жумягI­ли­зиб коронави­русличил зягIиптала лугIи ахъ­­хIебиуб, койкаби багьла-ба­гьлали чула гIядатласи бузерила низам-кьяйдаличи шурдалтули сари. Чус гьигьбикIес къиянбулхъути зягIип­тира камбикIули саби. ИлхIелира регионнизиб кислород бургниличил дархдасунти къияндешунира агара или багьахъур илини.
ДР-ла БекI С.Меликовли гьан­­бушиб изала тамай агар­хIе­­биъ­ни­личила ва гьачамлис илала сагати жураби алкI­ни­ла урехи калниличила. Ил багьандан медицинала лерилра учреждениеби гьар мур­тал­ра хIядурли дихIес гIягI­ни­биркур.

Мартла 31-личи ­бикайчи сари ­къадагълуми урасибти

Къалабаси штабла бузери­ла хIясилти кайули, ДР-ла БекI­ли COVID-19 изала тIинтI­­­бикI­ниличирли акIа­хъуб­ти да­хъал­гъун­ти къадагълуми гьа­­­чамлис мартла 31-ли­чи би­кай­­­чицун сари урасибти или ба­­­гьахъур.
Сагали дузес дехIдирхьур банкетла залани ва биштIатас хасдарибти клубуни. Гьанна театртази, кинотеатртази, бамсриахънилис хасдарибти ва вачар-чакарла центртази, санаторийтази ва гостиницабази QR-код агарли дашес ихтияр леб.
Амма дяхIликалаби диха­хъес ибси тIалаб кавлули саби, хаслира жамигIятла транспортлизиб, вачар-чакар дузахъути мераначир, аптекабазир, мегьла гьунила вокзалтазир, автомашинабала вокзалтазир, аэропортлизир ва больницабазир.
Сагати низам-кьяйдали урайсули ахIен социальный бяхIчибизла учреждениебазир, изала тIинтIхIебикIахъес ва эпидемия хIебиахъес багьандан, дурадуркIути умудешла далдуцуни. Бахъал адамти учибиркути мераначир микробуни дубкIахъути дармунти дузахънила хIяракат даимбарили бирар. Илди дузахъни ахтардибирес организациябала, хIукуматла органтала руководительтачи, тукентала бегIтачи хъарсили кавлули саби, илкьяйдали, бахъал адамти учибиркути мераначир умудешла далдуцуни дурадуркIни хасси хIерудилиур дихIнира.