Роспотребнадзорли гьанбиркахъуливан, хаслира гьести гIямрула адамтас иза декIти асурти дет­хIе­ахъес багьандан, бегIлара асарчебси тяхIяр саби вакцина барахъни.

1. Гьести гIямрула адамти коронавирусла чейхъуси изайзи биркнила урехилизиб саби. Изай илдала иммунитетлис декIти асурти детарахъу, ил лугIилизир – хургьрала изала ва декIар-декIарти журабала тромбозуни. Илди асуртани биалли пашманси ахирличи бетикахъесра асубирар. Ил багьандан хIушала арадеш мяхIкамбарни мягIничебси саби!
2. Вакцинация — коронавирусла декIси журализивад ва асуртазивад адам мяхIкамируси, бирхауди сархибси тяхIяр.
3. Гьести гIямрула адамтани вакцина кункли чекайсули саби. Ил бархбасунси саби чархла иммунитетла детуцунала хасдешуначил.
4. Прививка барахъес асубирар жявлил лерти излумачил бархра, бекIлибиубси — илди излуми хаслира цIакьдиубси манзил хIебарахъни. ХIушала арадешличи хIеруди бируси тухтурличил ихтилатбарая.
5. Хъуммартидая, таманси иммунитет алкIуси са­би цаибил прививка барибхIейчирад 42-45 бархIи ди­кили гIергъи. Антителаби акIайчи, мяхIкамдешла дал­дуцуни дузахъеная (бахъал адамти цалабикибти мераначи мадашудая, жамигIятла мер-мусаличир дяхI­ликалаби дихеная, някъби зумали сапунничил иценая яра микробуни дубкIахъути дармунтани дикеная).