Октябрьла цаличибад МЧС-ла уцахъантала центрлизиб, аргъ-бархIила хIекьлизибси кабизлизиб ва бекIахъудила къуллукъунала шайчирти учреждениебазиб, Роспотребнадзорла умудеш бихIнила центртазиб, Росстандартла хIялумцIлабала, умцлабала ва ислуми кадилзахънила центртазиб, чулахъунас хасдарибти реабилитациябала центртазиб бузути хIянчизартала алапаби ахъдирар.

Ургабил хIясибли, алапа авал процентла ахъбурцу. Амма ил лугIи регионничи ва санигIятличи хIеръили, барсбикIесра асубирар. Буралли, имцIабарибси арцла кьадар федеральный даражаличиб кабизахъурсиличиб камли биэс асухIебирар.
Илала дурабадра, алапаличи чебихьили бедлугуси арцла кьадарра имцIабирар. Амма, медицинала хIянчизартас, педагогунас ил ахъхIебурцу, сенахIенну илдала алапаби январьла цаличирад сархIели ахъдурцути.
Арцла кьадар халабаахъни – бузерилис арц дедлугнила шайчиб пачалихъла чеасла саби. ХIянчи бедлугусини бузерила вягIда бигьунти хIянчизартас халабаибси арцла кьадар бедлугес гIягIнили саби. Арцла кьадар инфляциялизибад дигахъуси саби.