ЦIабикьа-энергияла ца­лабяхъ (ТЭК) рес­пуб­ли­ка­лис мягIничебси саби, сена­хIен­ну регионна экономика гьалабяхI башахънилис гьаликIли бетарухIели. Бу­рал­ли, Дагъистан сурсатунала шайчиб дав­лачебси регион саби.

Кавказлизирра халати хутIла станцияби нушала республикализир сари: ЧIиркIейла, Ирганайла, Миатлила ва цархIилтира. Дубуртар Улкализир халати варачанти лерни багьандан, нушала республикализир илди станцияби тIашдатурти сари. АрагIебли касалли, хутIла станцияби лайикьли дузахъалли, республика дургIеси хутIличил гIеббуцес ва Россияла цархIилти регионтасра бархли ил бедлугес имканбикIур.
Илкьяйдали нушала республика газла ва набтла мягIданра саби. Амма хутI ва газ дилгIниличибли, илкьяйдали хасти линияби дуркьдиъниличибли, республикала халкь илдачил тамай гIеббуцес ва экономика гьалабяхI башахъес къиянбулхъули саби. ЦацадехIти баянти хIясибли, хутIла шалала ва газла шайчибси республикала гьалабси чебла дебали халаси саби. Илис сабабли бетарули саби цацадехIти организациябани ва халкьли пайдаладирути сурсатунас багьа хIелугни. ИмцIаливан чеблалиур сари хасти ихтиюртачилти организацияби, халкь ванадешличил гIеббурцути предприятиеби…
Илкьяйдали газла ва хутIла линиябачил ихтияр агарли бархбикили, счётчикуни агарли адамти гIяхIдешунани пайдалабикIнилира, экономикалис зарал лебхули саби. Илди чеблуми халкь сурсатуначил гIеббурцути компанияби дузахъес диргаладулхъули сари. Ил багьандан, организациябазир, учреждениебазир, вегIдешла хъулразир ахтардлуми дурадуркIули, ихтияр агарли бархбикнила анцIбкуьуни агардирули, чекабизурли саби.
Республикала халкь гIягIнити сурсатуначил тамай гIеббуцни бекIлибиубси масъала саби. Газлис ва хутIлис багьа заманаличиб бедлугес гIягIнили биъниличила халкьли аргъаллири, къиянси масъала арзес гьамадли бири. ТЭК-ла даража гIяхIбухъахъни, бегIла гьалаб, дагъистанлантас мягIничебсили бетарар. Республикализибси ТЭК-ла аги низамличи бикахъес багьандан, дахъал арц хIяжатдиркур, сенахIенну ТЭК-ла гьар бутIализир гIяхIцад хIянчи дурадеркIес гIягIнилихIели.
Республикала ТЭК-ла бузери гъирачеббарес багьандан, сагадешуни акIахъес чебиркур: гIилмула-техникала программаби далкьаахъурли, Россияла ва дурала улкнала гьаркьяти компаниябала устадеш гIерасили. Илгъуна бяхIчибизлизиб бузалли, Дагъистанна экономика гьалабяхI башахъес имканбикIур.
Закон буи, адамти газла ва хутIла линиябачи бархбикни, урехиласили бетарули саби. ТЭК-ла бузерилизир такьсирчидешла анцIбукьуни кадиркниличибли, республикала хIукуматлацунра ахIи, Россияла Президентлара пикри битIикIуси регионни бетаурли саби Дагъистан. ТЭК-лизир низам-кьяйда кадизахъес багьандан, республикала организацияби РусГидро, Газпром, Россети, Роснефть компаниябачил дарх жигарчерли дузули сари.