Масани дурала улкнази дихни гIеббурцуси центрли бизнесментази барх бузахъес маслигIятбирули саби.
ИшбархIи биштIаси ва ургабси даражала предпринимательство хIукуматла хIерудилиуб саби.
Ириъ Правительстволи, Дагъистан Республикализиб баркьудила хIяракат жигарчеббарес ва нукьсандешуни агардарес ибси пикриличил, гIяхIцад тяхIурти далдуциб.
Республикализир дураибти масани лебилра дунъяличир дурхахъес, илди лебтазилра чедиахъес икьалабирулира саби.
Масани дурала улкнази дихни гIеббурцуси центр инвестицияби дитIикIес, биштIаси ва ургабси даражала предпринимательствола ил шайчир дузути субъектуни халкьани-ургарти базуртачи дурадулхъахъес багьандан, акIахъубси саби. Илди лерилра дирути сари федеральный «Россияла масани дурала улкнази дихнила центрла» — пачалихъла масани дурала улкнази бихни гIеббурцуси институтла хьулчиличир. Илини Россияла масани дурала улкнази дихантас икьалабируси саби, ва гьаладирхьути къуллукъунас багьа бедлугес саби-бегIси бюджетра леб.
Нушани предпринимательтас матъал барх бузахъес ва масани (хIянчи, къуллукъуни) дуралати базурбачир дурхахъес икьалабарес ибси пикри гьалабирхьулра, ишдигъунти гIергъити къуллукъуни гIердаахъили:
масани дурала улкнази дихнила шайчирти масъултала чебкад балахъни ва насихIятуни лугни;
презентациябала ва цархIилти материалти дурала улкнала мезаначи шурдалтни ва хIядурдирни;
Дагъистан Республикала мер-мусаличир предпринимательствола субъектунала дурала улкналайчил гьунибаъниби ва вягIдурти дурадуркIни;
багьахънибала-телекоммуникацияла «Интернет» сетьлизиб дурала улкнала мезаначил сайт акIахъни ва дарсдешуни кадерхахъни;
халкьани-ургарти ва регионти-ургарти бизнес-далдуцуназир бутIакьяндеш дирни;
масани дурала улкнази дихнила тема хIясибли вебинарти, «журуга столани», конференцияби, мажлисуни, семинарти, устадешла дурсри дурадуркIни;
халкьани-ургарти электронный журала вачарла майдунтачиб (Alibaba, Ebay)
мерлабирнилизиб икьалабарни.
