Ишди бурхIназир МяхIярамкентла районна Бутказмаляр шилизир ММА-ла шайчир абзани дурадеркIибтири. Илар бутIакьяндеш дариб Дахадаевла районнизибадти тренер МяхIяммад Кьурбановли руркъути ХIясан ХIянациевли, Рабазан Ибрагьимовли ва Рабазан Юсуповли. Илди хIябалра багьадур турнирличиб чемпионтира бетаур. МяхIяммадхIяжи ХIясайниевли жарма сархиб.

Илгъуна чедибдешличил уршби мубаракбирехIе ва илдала гIямрулизир гIурра дахъал чедибдешуни дулгехIе. Гьайгьай, чедибдешунира ца иткъи диркути ахIен. Майъа имцIали картIибцад чедибдешунира дахъал дирути сари. Илди дубурла нартанани нуша гьаннала гIергъира чуйнара разидирниличи дирхехIе.