ЗАМАНА - Дявила-тарихла анцIбукьуни сагадариб

Мя­хIяч­­­къала­ли­зиб­­си­ Ленинна Ком­­со­­молла ули­чил­си парк­лизиб дя­ви­ла-та­рих­ла анцI­­букьуни че­ди­­ахънила бал­буц бетерхур, са­бира Кавказ ба­гьанданси Дяви ка­би­киб­хIей­чи­рад 80 дус дик­ни­лис хас­ба­риб­си.

Дявила-тарихла анцIбукьуни сагадариб

Дагъистанна БекIла ва Правительствола Администрацияла руководитель А.ХIясановли, вице-премьер М.Телякавовли, министрти: жагьилтала Министерствола — К.СягIидовли, ба­гьудила Министерствол­а — Я.Бучаевли, миннацла —Э.Мус­лимовли, ва илкьяйда ум­цIантала «Кавказ» отрядла члентани ва юнармейцыбани Ургъан-азадбалтахъанна памятникличи вавни кадихьиб.
«ВатIайчи диги адилкьни­лис, игитуни хъумхIер­тахъ­ни­лис хIушаб баркалла. Ил баркьуди хаслира мягIничебси са­би нушала бусягIятла бурхI­на­зиб, нуша сагадан фашизмаличил дургъухIели ва ил акIубмад къирбирухIели. Де­бали халаси баркалла хIу­шаб!», — викIи ДР-ла БекI­ла ва Правительствола Ад­­ми­нис­тарцияла на­чальник А.ХIя­са­­нов.
Выставка бехI­би­хьес гьалаб Ургъан-азадбалтахъанна па­мятникличи вавни кадихьиб ва ца минутла лехIдеш багьахъур. ГIур 40-йчибра им­­цIати кумекчибани, дявила палтар­личил бегIбиубли, Кавказ ба­гьанданси дергъла бутIа чебаахъиб.
Нушала цаванзалантани дявила кьяркьти гьундури ахъибтири. Ва илдигъунти анцI­букьуни чедиахънила балбуц бегI гьалаб Дагъистаннизиб ду­раберкIни – ил цаванзалантала игитдеш, чулира Ва­тIан багьандан, чула гIямру ахIе­ра­хIедарибтала хIурмат ка­лахъ­нила ва ЧебяхIси ВатIа дергъла бутIакьянчиби хъум­хIертахънила лишан саби.
Илала дурабад, балбуцла бутIакьянчибас ав­лахъличиб беркала хIя­дур­бир­­нилизиб бу­тIа­кьян­деш да­рахъес­ра бикиб.

Прочитано 60 раз

О нас

ЗАМАНА . 0+. Учредитель: ГБУ РД ''Редакция республиканской газеты ''Замана''. Главный редактор: 
 
logo na fotoФотографии с маркировкой
взяты из открытых источников
 

СМИ

Сайт “Замана” (www.zamana.info), зарегистрирован Федеральной службой по надзору в сфере связи , информационных технологий и массовых коммуникаций . Свидетельство о регистрации средства массовой информации Эл № ФС77-78978 от 20 августа 2020 года..

Контакты

Адрес редакции: 367018, Республика Дагестан, г. Махачкала, пр-т Насрутдинова 1А.
Тел: 66-00-25.  E-mail: Этот адрес электронной почты защищён от спам-ботов. У вас должен быть включен JavaScript для просмотра.
 
  ok  vk  rss
Top