Каспийскла ОМОН-ла мер-муса­ли­чиб ДР-ла шай­чибси Рос­гвардияла Управ­лениела на­чальникла кумекчи, полицияла пол­ковник Константин Шиян­на ва отрядла ко­мандир, по­ли­цияла полковник Шамил Мя­­­­хIяммаевла регионна пе­чатьла ва электронный тя­хIяр­ла СМИ-бала ва­кил­та­чил­си гьунибаъни бетерхур. Ил Рос­сияла печатьла БархIилис хасбарибси сабри.

Балбуц ванаси гьунибаънила ихтилатла тяхIяр-кьяй­дализиб дураберкIиб. Илала дазурбазир бархси бузерила баянти каиб ва челябкьлализир дарес хIяжатти хIянчила масъулти пикридариб.
К.Шиянни 2019 ибил дус­лизир республикала шайчибси Росгвардияла Управление­ла ду­­­радеркIес пикрибарибти дал­­­дуцуначила буриб, ил­кьяй­да­­ли гьар дусла мартла 27-личир – Росгвардияла БархIи бе­турх­ниличила гьанбикахъиб, ле­­билра цалабикибти илдазир бу­­тIакьяндеш дарахъес жибариб.
— Иличи че, нушани, ириъван, патриотизмалашалти ва спортла халати далдуцуни дурадеркIес пикрибарибси саби. Илдачира хIуша чараагарли жидирутира. Вирхулра, нушала бархбасуни гьатIиралра уржибтили детарниличи, — цIакьбарили буриб илини.
Республикала бахълизи мягI­ни-хIял иргъахъути гIягI­ни­ахълумала вакилтанира гьаннала гIергъира барх бузес хIя­дурли биъниличила аргъахъиб.
— ХIушала ведомстволичил варх узес дебали гьамадли саби, сенахIенну хIуша мурталра ихтилатлис гьаргтира, хIушани журналистуначил ур­жибти бархбасуни дузахъул­ра, хIушала бу­зериличил дарх­дасунти ит­ди яра ишди анцIбукьунала черкад заманаличир хIяжатти ба­гьахъниби гьаладирхьулра, — рикIи «Mirmol.ru» сетевое изда­ниела бекI редактор Д.ХIясанова.
КIинайс отрядла командир, полицияла полковник Ш.МяхIяммаевли базала мер-мусакад журналистунас экскурсия дураберкIиб. Илини отрядла тарихличила, илала гьар бархIила гIямруличила ва дергъла бурхIначила буриб. Журналистунази белчIудила классуни, спортзал, кинологический ва спортла городокуни чедаахъиб. Экскурсияла замана гIяхIлас суалти хьардаэсра, илдас чедетаибти жавабти касесра имканбакIиб.
Балбуцла ахирличиб Да­гъис­тан Республикала шайчибси Росгвардияла Управлениела начальник, полицияла генерал-майор МяхIяммад Ба­а­чиловла шайзибад лебилра жур­налистунас, ил лугIилизиб — ДР-ла «Республикала «Замана» газетала редакция» ГБУ-ла бекI редактор Юсупов Арсен Гъа­зимяхIяммадовичлисра, Баркалла багьахъур.