ЗАМАНА - Гьарахъти шимазибти мугIяллимтачил гьуниваиб

Дахадаевла район­на багьудила ор­га­­низациябас ку­мек­ гIеб­­биахънила «до­рож­ная карта» гIямрулизиб бе­тур­ха­хъули, ил районна шайчивси ба­гьудила масъулти гьун­чи­дир­кахъуси ДГУ-ла бузери дурусбиркахъуси хIян­чизар М.Ал­жан­беков бегI­ла­ра гьа­рахъти школабази – Кьун­кьнила, ГIяш­ти­ла, Дир­багъла ва ХудуцIла – вя­кьун.

Семинарличиб ил­ди школабала учительти лебри. Иличир хIердариб багьудила ка­бизлизир сагадешуни кадир­кахънила шуртI­разиб му­гIял­лим­тала хIянчи асар­че­бси­ли бе­таахъни, кайсути багьуд­лу­мала даража ахъбуцни, дурсрачир иш­хIел­ла сагати тя­хIурти пай­да­ладирни ва цар­хIил­­ти ма­съул­ти.
М.Алжанбековли ахъдуцибти лерилра масъултачила чебетаахъили буриб. Интерактивный технологияби бел­чIудила хIяракатлизир пай­да­ла­дирнила шайчиб устадешла дарсра чебаахъиб. Илала гъай хIясибли, дурхIнала камси кьадарличи хIерхIеили, дура­дур­кIути конкурсуначир ва олимпиадабачир бутIакьян­деш дирес хIяжатси саби.
Мурад ХIяжимурадовичли учительтази бузерилизир къаршидиркути къияндешуначилара хьарбаэс хъумхIертур.
Семинарличиб илкьяйдали гъайбухъун школабала дирек­торти, учительти. Илдани багьудила кабизлизиб саби бя­хIи­гути масъултачила буриб.
Ил бархIи Кьункьила шко­лализиб бегI­тала собрание бетерхур. Иличирра М.Ал­­жан­­бе­ковли жигарла бутIа­кьяндеш дариб. 9-ибил ва 11-ибил классунала бу­чIанти ОГЭ ва ЕГЭ ункъли дедахъес хIя­дур­­­бирниличи бегIтази хIе­ру­ди бирахъес жи­бариб.
Алжанбеков Мурад ХIяжи­мура­довичра Кьункьила шилизивадси сай. Илала дудеш ХIяжимурад 80-ибти дусмазив ГIяштила школализив учительли узули калун, 1990-2000-ибти дусмазив биалли – Кьункьила школала директорла заместительли. «Шила гIямру», «Замана» газетабала мухбирра сайри, илди шимазир кадиркути анцIбукьуначила декIар-декIарти макьалаби лукIес дигахъи илис. БучIантани ил гьаннара гIяхIси, масхурти дигахъуси адам сайливан, мурталра гьануршу.
Кьункьила СОШ-ла директор, Х.Рабаданов, ГIяштила СОШ-ла директор М.ГIисаев, ­Дирбагъла СОШ-ла директор ХI.ХIясанов, ХудуцIла СОШ-ла директор ХI.ХIясанов.

 

Прочитано 235 раз

О нас

ЗАМАНА . 0+. Учредитель: ГБУ РД ''Редакция республиканской газеты ''Замана''. Главный редактор: 
 
logo na foto     Фотографии с маркировкой
взяты из открытых источников
 

СМИ

Сайт “Замана” (www.zamana.info), зарегистрирован Федеральной службой по надзору в сфере связи , информационных технологий и массовых коммуникаций . Свидетельство о регистрации средства массовой информации Эл № ФС77-67486 от 18 октября 2016 года..

Контакты

Адрес редакции: 367018, Республика Дагестан, г. Махачкала, пр-т Насрутдинова 1А, 8-й этаж.
Тел: 65-00-25.  E-mail: Этот адрес электронной почты защищён от спам-ботов. У вас должен быть включен JavaScript для просмотра.
 
fa  in  ok  vk  yt  rss
Top