МяхIяммадова ХIябсат Кьурбанкьадиевна ручIули сари Ахъушала урга даражала кIиибил номерла школала вецIъибил класслизир. Сари ручIуси школала, районна гIямрулизир жигарла бутIакьяндеш диру. ГIяхIти кьиматуначил ручIули сари, цархIилтас гIибратли ретаурли.
Ахъушала районнизибра «Цаэстала хIяракат» бикIуси организацияла бутIакьянчибани дахъал балбуцуни дурадуркIули сари. Илди балбуцуназирра ХIябсатли жигарла бутIакьяндеш диру. ХIябсат «Цаэстала хIяракатла» дурхIнала жамигIятла объединениелизир «Цаэстала Советла» председательра сари.
Волонтертала шайзирад детурхути хIянчилизирра илини гIяхIти бутIакьяндеш диру.
ХIябсат МяхIяммадова гьар шайчирад пагьмучерси рурси сари, илини арбякьунси дуслизир, «Без срока давности» бикIуси Лебил Россияла кьадрила районнизиб бетурхуси конкурслизир бутIакьяндеш дарили, сочинение белкIун ва призер ретаурли, багьудила управлениела начальник МяхIяммад КаримхIяжиевла шайзибад Грамота касиб.
ХIябсатли жагали суратунира дирес балули сари. «Наш мир без терроризма» бикIуси районна кьадрила плакатунала ва суратунала конкурсличир ил хIябъибил мерличи лайикьрикили, жагьилтала политикала ва спортла управлениела начальник МяхIяммад МяхIяммадхIяжиевли Грамоталичил шабагъатларариб.
ХIябсатли суратунала ва плакатунала шайчир районна духIнар детерхути конкурсуназир жигарла бутIакьяндеш дирули сари, «Профилактика терроризма и религиозного экстремизма», бикIуси конкурсла лаурет ретаурли, гьаларти мераначи лайикьриркули сари.
ХIябсат гехIъибил класслизир ручIухIели районна кьадрила Республикала нешла мезла олимпиадализир бутIакьяндеш дариб ва гьалабси мерличи лайикьрикили, багьудила управлениела шайзирад Грамоталичил шабагъатларариб.
«Осенний марафон добрых дел – 2022» бикIуси республикала кьадрила «Дузани» и ТОБ «Медовая скала»-личиб бетерхурси тIабигIят мяхIкамбирнила шайчибси билхъаличир ХIябсатли жигарла бутIакьяндеш дарнилис жагьилтала политикала ва спортла управлениела шайзирад Баркалалла кагъарличи лайикьрикиб.
УрчIемъибил класслизир ручIухIели ХIябсатли Республикала кьадрила районнизиб бетерхурси «Шаг в будущее» бикIуси жагьилти хIялумцIлабала гIилмуртала конференциялизирра бутIакьяндеш дарили, призер ретаурли, Грамота касиб. Школала шайзирадра чумал ХIурматла грамоталичил шабагъатларарили сари.
«Доброволец года – 2023г.» бикIуси номинациялизирра илини чедибдеш касиб.
Районна кьадрила ва школализир детурхути шадлихъуназир, балбуцуназир, конкурсуназир ХIябсатли жигарла бутIакьяндеш дарили гьаларти мераначи лайикьриркули сари. Илбагьандан илини школала учительтала, барх бучIутала шайзирад хIурматличи ва баркаллаличи лайикьриркули сари.
Гьаннала гIергъира сунела гIямрулизир ва белчIудилизир сархибдешуни имцIадикIаб!
C.ГIябдуллаева
