Машгьурси ху­дож­ник Даудов Мя­хIям­мад Дауд­хIя­­жиевич акIубси сай 1991 ибил дус­лизив ХIямшимала ши­­лизив, хIурматла хъали­барг­ли­зив. Илала дудеш ДаудхIяжи Даудов Афганистайзирти дя­ви­ла анцI­бу­кьу­нала бутIа­кьян­­ч­и­ра сай.
МяхIяммадла дудеш Дауд­хIя­жини ва неш ГIяйшатли ил пагьмучевси урши къугъали айкьурли, гIямрула гьунчи дураили сай.
2013 ибил дуслизив Мя­хIям­­мад Дау­довли Дагъис­та пачалихъла педа­гоги­чес­кий уни­верситетла «Изоб­ра­зи­тель­ное искусство»-ла шай­чиб­си факультет таман­ба­риб.
ДР-ла М.А.Дже­мал­ла ули­чилси ху­до­­жественное учили­ще­ра та­ман­бариб ва 2013 ибил ду­с­­­личивад вехIи­хьи­ли гьан­нара илав «спец­дис­цип­лина» бикIуси предметла пре­­­подавательли узули сай. Мя­­хIям­мад Дау­дов Россияла ху­дож­­ни­кунала Союзла ва ДР-ла худож­ни­кунала Союзла Прав­лениела членра сай, 2024 ибил дуслизив Россияла ху­­до­жест­во­ла Академияла член-кор­рес­пон­­дент ибси ули­чира лай­и­кьи­киб.
МяхIяммад Даудов дебали пагьмучевси художник-график сай. Гьарил адам илкьяйдали суратуни дирес бажардииркуси ахIен. Илини дарибти суратуни лерти сари Москвала, Санкт-Пе­тербургла, Татарстанна, Баш­­­кирияла, Тулала, Вол­гог­рад­ла, Ставропольла, Томскла, Кис­ловодскла, Северная Осе­тияла ва Дагъиста музей­тазир. Дербентлизибси ду­нъя­­личирти культурабала та­рихла ва динна музейлизир, Мя­­хIяч­­къалализибси «Цаи­бил га­лерея» бикIуси му­зей­­­лизирра лерти сари гьа­ладихьили М.Дау­довла хIян­чур­би.
МяхIяммад ДаудхIяжие­вичла бузери кьиматлабарили, пачалихъла шайзивад дахъал шабагъатуначи лайикьвикиб: ДР-ла Правительствола, ДР-ла культурала Министерствола, Рос­сияла художникунала Союз­ла шайзивад чумал ХIур­­матла Грамоталичи, Дип­­лом­тачи, Баркаллала ка­гъур­тачи. 2020-ибил дус­лизив Рос­сияла художест­во­ла ака­демияла шайзивад Дип­ломличил, 2023 ибил дуслизив арцла ме­дальличил ва Бар­кал­лала ка­гъар­личил ша­ба­гъат­лавариб.
2018-2021-ибти дус­ма­зив РФ-ла культурала Ми­нис­­­терствола ва 2019 ибил дус­ли­зив РФ-ла Пра­ви­тельст­вола Сти­пен­диябачи лай­икь­ви­­­кили сай.
2022 ибил дуслизив лебил Россияла кьадрила Оренбург шагьарлизиб бетерхурси «Мо­лодые художники» би­кIуси выставка-конкурсла «графика» бикIуси номинациялизиб Гран-при касиб.
МяхIяммад Даудовли су­не­ни дарибти сура­тунира гьа­­ладихьили бутIакьяндеш да­рили сай 80-чирра им­цIа­ти халкьани-ургарти, ле­бил Ро­с­сияла, мер-муса хIя­сибти, мерла кьадрила, дурала улк­назир дурадуркIути выс­тав­кабачир. Детер­хурти сари су­нелацун хIян­­­чурбала выс­тавкаби Мя­хIяч­­къа­ла­лизирти чу­мал музей­лизир, П­я­тигорск­лизир, Дер­бент­ли­зир.
М.Даудовла бекIлидиубти произведениебази дуйгIути сари «Гапшима. Зима», «Не­су­шая хворост», «Гамсутль», «Ку­­бачи. На родник», «Зверь», «Молитва», «Несущая камни», «Ковровщица», «Старец», «Песнь луны» бикIути ва гIурра дахъал цархIилтира.
2024 ибил дусла март базличиб Ахъушала шилизибси му­зейлизибра МяхIяммад Дау­довла суратунала выставка бетерхурсири. Илини сунени дарибти 10 сурат савгъатдариб. Музейла директор Зубалжат Мирзаевани сунени бекIдеш дируси музейлизиб выставка барес гьанбушибхIели ил кьа­бул­викнилис баркалла ба­гьахъур.
Художник ветаэс багьандан илгъуна халаси пагьму лебси, гьанбикуни, гIяхIси хIулбала шала, дахъал журала рангани, дибгIянти баянти хIисабдирес, си­патдирес балуси адам ал­кIу­ли ургар.
МяхIяммад Даудовли да­рибти суратуни дахъал мер-му­­саличиб хIербирути, гьар жу­рала санигIятуназиб, къул­лу­­къуначиб бузути гIяхIцад адамтани кьиматладарили, гап­­­дарили сари.
МяхIячкъалализиб леб­си саби абхьили ­МяхIям­мад Дау­довла хIянчи гьа­ла­ди­хьибси Арт-галерея. Илар лерти сари авторли да­рибти дахъал жура-журала су­ра­туни. Ил галереялизир выс­тав­кабицунра ахIен де­тур­хути, илар чедиахъути сари ус­тадешла дурсри, худож­ни­ку­начил гьунибаъниби ва цар­хIилтира пагьмуртала шай­чирт­и проектуни.
Гьаннала гIергъира сунела гIям­­рулизир ва бузерилизир гьа­­тIира дахъал сархибдешуни им­­цIадикIаб. Сунела дигу­та­ни ра­­зивирули хIериэс кьа­дар­биаб!