Лавашала районна бекI Мухтар ХалалмяхIяммадовли муниципалитетла депутатунала Собраниела председатель Юсуп ГIялибековличил ва районна бекIла заместитель ХIясан Ибрагьимовличил дарх Хажалмахьилизир гьундури къулайдирнила хIянчи ахтардидариб.

Бурес чебиркур, илди хIянчи «2019-2026-ибти дусмазир Дагъистан Республикала Лавашала районнизир цахIнарти машинабала гьундури гьаладяхI дашахъни» ибси программа хIясибли дурадуркIути сари. ХIера, ишбархIилис хIябдарш метрла бухъяндешличилси гьуни къулайбирнила хIянчи детурхули сари. Белгиси программала бекIлибиубси мурад – адамтала гIямрула даража ахъбуцни.

Бузерила архIяла дазурбазир, районна бекIли гьуни къирли буцнила, гъалагбирнила даража чебаахъиб. Хажалмахьилизир меценатунала ва шантала сурсатунала кумекличил детурхули сари илдигъунти хIянчи. Шила администрацияли адамтани чус икьалабирутас халаси баркалла балахъули саби, ил лугIилизиб – районнис бекIдеш дирутасра. ЦахIнарти цIакьаначил шила духIнарти гьундури къулайдарес ва илдала даража ахъбуцес имканбикIур.

Лавашала районна администрацияла пресс-служба