Дагъистан Республикала Конституцияла бархIи Сергокъалала районна бекI Арсен МяхIяммадовли Наида Къараевас пачалихъла шабагъат бедиб.
СанигIятлашалти устадеш, сабухъчебси бузери ва районна арадеш мяхIкамбирнилизи мягIничебси пай кабихьни багьандан, Наида Къараева Дагъистан Республикала БекIла ХIукму хIясибли «Дагъистан Республикала рурибси тухтур» ибси хIурматла уличи лайикьрикиб. Шадлихъла аги-хIяйзиб Арсен Мя­хIяммадовли ил шабагъат Наида Къараевази бедиб.
Районна бекIли санигIятлис мардешлис, адамтала арадеш мяхIкамбирули, бамсриагарли рузнилис баркалла багьахъур.