«Мегьла жагадеш»
Гьалабван нушала библиотекала конференц-заллизиб «Мегьла жагадеш: ХIХ-ХХ-ибти даршдусмала ахирласи манзилла Кавказла (Дагъиста, Азербайжа, Грузияла) халкьанала дубсила тIалхIяна» бикIуси жузличил бучIанти тянишбирнила балбуц бетерхур.
Ил дураибси саби 2024 ибил дуслизиб Дагъиста жузала «Даггосиздат» издательстволи. Балбуцличиб ил гьалабихьиб автор Андрей Глушецкийли. Жузлис хьулчили детаур илала сай-вегIси дубсила гIягIниахълумала коллекция. Баягъи жузла бекIлибиубси мурад – Кавказла ва Востокла халкьанала гIямрулизир пайдаладирути дубсила тIалхIянала жагадеш чебаахъни.
Андрей Анатольевич Глушецкий РФ-ла Президентла гьалабси пачалихъла кабизла ва халкьла хозяйствола Россияла академияла (РФ-ла Президентла гьалабси РАНХиГС) менеджментла ва финансунала чебяхIси школала профессор сай. Илини М.В.Ломоносовла уличилси МГУ-ла экономикала факультет таманбарибси саби. Ил экономикала гIилмуртала доктор сай. Илкьяйдали А.Глушецкий гIилмула ва техникала шайчибси Ленинский комсомолла премияла лауреат сай.
Россияла журналистунала Союзла член, Россияла литератортала санигIятлашалси Союзла член, Россияла халатигъунти компаниябазиб сунела коллекцияличила, жуз акIнила тарихличила ва илала мурадуначила буриб.
Ил илкьяйдали лебтанилра валуси сай гьайкIари вавнала (колокольчик) коллекционер сайливанра. Илини илди авал азирцад цаладяхъиб (68 улкализирад кадухибти). Илкьяйдали илала лер дубсила даршлим гехIцIали гажин, сарира 17 улкализирад кадухибти.
Балбуцличиб илкьяйдали гъайбухъун коллекционер Владимир Несов, Россияла халкьла художник ХIямзат ГъазимяхIяммадов, Дагъиста изобразительное искусствола музейла хIянчизарти ГIяйшат МяхIяммадова ва Жамиля Ражабова. Лебилра илдани изданиелис чихъси кьимат бедиб ва авторлис баркалла багьахъур.