ВегIли барибси секIал, вегIлис чарбирар бикIар. Сецад вайти дарадра, илцад цIумикIуд бикIар.
Жагьли лебай, цацабехIти адамти вайта биркьули саби. Вайта биркьули ибхIели, илдани дирути някъла баркьудлуми ахIен, бухъянси лезмили сари лерил дукьдулъути. Адамтала ургар мез тIинтIдарили, ду­кар­бяхIили, уркIилизи атIеси секIал бурили, вегI­ли­зи дурибти цархIилтачира тIинтIдирули. Ил­ди­гъунти баркьудлуми сари бегIлара вайти.
Пикриухъалли, лерилра балагьуни дурчути мухI­лили сари. Гьаялизибад батбухъунси къачаван, гьа­чам вехIихьалли, ил тIашаэсра гьамадли вирули ахIен. КIинайс дурибтачи пашманбирутира хIе­би­ру­­тира леб. Пашманиубли хьалли, бяхъибси уркIи сагъ­барес хIейрар. Кабяхъибси гIябул абитIи биалра, ба­­р­ибси тIярхъи даимлис кавлуси саби. Бячунси ши­ша са­га­ба­рес хIейрар. ГъянчIбарибси ка­гъар я бархь­хIе­би­рар.
Чумра бурала мисаллис кадукес вирар. Амма се гIяхIдеша, илдани адамла тIабигIят барсхIебиру. ВегIли сабур абаахъес, шайтIан паргъатбирахъес бур­сивирес гIягIнибиркур. ЦархIил тяхIярли вегIли вегIла бекI булъа. Жагьли вирухIели дарибти ухъ­на­­ваибхIели къиздулхъан. ИлхIели секIал барс­барес хIей­рар.
ВегIлара цархIиллара уркIилизи, мухIлилизи сабур габ, бекIлизи гIякьлу габ. Илди лерли диалли цархIилти далкадиркур.