«Сельсовет Ме­ке­гинс­­кий» МО-ли­зи СВО-ла бутIа­кьян­­чили сайси нуша­ла шан Ибрагьим Жа­ма­лу­ди­нов дявилати къул­лукъу­нас хIяжатси машина аса­хъес ибси тиладиличил ду­гьаизур.
2025 ибил дусла бехI­би­хьуд­личиб, сунела ур­кIи­ла жи хIясибли, Ибрагьимли вягIда къулбасбариб ва дявила хасси балбуцлизи арякьун. Гьаннара илини илаб асилдешличил къуллукъбирули сай.
Шила советла ад­ми­нист­­рацияли, гьайгьай, ил­­­гъуна тилади хIер­хIе­ба­­­­рили хIебатур. Шантала ца­ти цIакьаначил – адми­нистрацияли арц ду­чи­ли ва СВО-лизивад ча­рухъунси микIхIен Дауд Мя­хIям­мадовла кумекличил — гIягI­ниси автомобиль хъярхъ­ли асиб. Дауд ГIяб­дул­кьадировичли, арц кадихьнила дурарад, машина иснила хIянчира сунечи чесиб. Илис халаси баркалла балахъулра.
Илала дурабад, сельсоветла культурала-бамс­риихънила шайчибси центр­лира Ибрагьимлизи чули бучибси кумек бедиб – чус «маскировочные сети» или ирути ваяхI.
Ил баркьуди лебтасалра гIяхI­деш биахъес ва Ва­тIан балтахъанти гIеб­бу­цес ибси мурадличил хIу­куматра жамигIятра ца­биъ­нила гIя­чихъси гIибрат саби.
Ибрагьимлис чIумаси арадеш, гьарбилзни ва жявли хъули чарухъни булгулра!
Лавашала администрацияла пресс-служба