Бара гьалабван МяхIячкъалализиб МФЦ-ла хIянчизар, хасси балбуцла бутIакьянчи Ражабов Султан ХIямзатовичлис хасбарибси гьаниркахънила уркьули абхьиб.
С.Ражабов 2018 ибил дуслизив МФЦ-лизив узескайибсири. МяхIячкъалализибси Ленинский районна шайчибси пачалихъла гIяхIдешунала Центрлизив гьаланачи курьерли, кIинайс санигIятла хIянчизарли узули калунсири.
2022 ибил дусла сентябрьличив хасси балбуцлизир бутIкьяндеш дарахъес живарибсири.
Жила кагъар бакIибхIели, илини пикрихIевхъи, бусягIят цIуба хIева ва офис гIярмицла палтарлис дарсдариб.
2023 ибид дусла июньничив ДР-ла лугIурбала шайчибси Министерстволи С.Ражабов, пачалихъла ихтиюрти далтахънилизир ВатIайчи диги дакIударни багьандан, ХIурматла Грамоталичил шабагъатлаварибсири. Илкьяйдали ХIурматла Грамоталичил шабагъатлавариб ДР-ла Правительстволира.
Дявила масъулти черихъули 2024 ибил дусла февральла 14-личив ДНР-ла Авдеевка бикIуси шагьарлизив ил алхунсири.
ГIергъити урегал дус илини хIянчи барибси МФЦ-ла бяхIличи баршиб гьаниркахънила уркьули.
