2025 ибил дусла апрельла 1-личибад октябрьла 31-личи бикайчи Дагъистайзиб цIадикниличи къаршидеш дирнила тяхIяр бузесиу. Ил цIализибад мяхIкамдеш барахъес ва илизибад адамти улххIелхахъес, вацIурби зараллизи хIедиркахъес ва халкь сахъли бирахъес ибси мурадличил бузесиуси саби.

ЦIадикниличи къаршидеш дирнила тяхIяр бузесаибси замана унхъри-хъумачир, дурхIнани бамсриихъути организациябазиб цIа абикьес, кьар, жярга-зекъ дигес асухIебирар; шила хозяйствола ванзурбачир, авлахъуначир хъаж, цIук дигес асухIебирар; юртани-ургар цIадушес асухIебирар.

Чедаахъибти тяхIяр-кьяйда дуунтачи гIякIа чебирхьуси саби. «ЦIадиркнила урехилизибад мяхIкамдеш бирнила тяхIяр-кьяйда дуъни» бикIуси РФ-ла КоАП-ла 20.4-ибил статьяла 2-ибил бутIа хIясибли: гIядатла адамтачи – 10 азирличибад 20 азирличи бикайчи; къуллукъла адамтачи – 30 азирличибад 60 азирличи бикайчи; предпринимательтачи – 60 азирличибад 80 азирличи бикайчи; белгити ихтиюртачилти организациябачи – 400 азирличибад 800 азирличи бикайчи.

«ВацIурбази цIадиркнила урехилизибад мяхIкамдеш бирнила тяхIяр-кьяйда дуъни» бикIуси РФ-ла КоАП-ла 8.32 ибил статьяла 3-ибил бутIа хIясибли: гIядатла адамтачи – 40 азирличибад 50 азирличи бикайчи; къуллукъла адамтачи – 60 азирличибад 90 азирличи бикайчи; белгити ихтиюртачилти организациябачи – 600 азирличибад миллионничи бикайчи.

Чебатни. РФ-ла КоАП-ла 8.32 ибил статьяла 3-ибил бутIа хIясибли, кадизахъурти тяхIяр-кьяйда дуунти предпринимательтанира белгити ихтиюртачилти организациябанигъунти жавабкардеш дихути сари.

Илала дурабад, вайбаркьлис цIадушибсиличи, илкьяйдали чедир гьандушибти тяхIяр-кьяйда дуи, цIадикахъили, халаси зарал бетаахъурсиличи такьсирла чебкадси дело ибхьуси саби.

ХIурматла адамти! ЦIаличил мяхIкамли вяшдикIеная ва кадизахъурти тяхIяр-кьяйда дузахъеная!

МяхIячкъалализибси хIеруди бузахънила ва лайикьси аги калахъес дурадуркIути мяхIкамдешла далдуцунала шайчибси отделла дознаватель ГIятикат ХIясанова