Ишди бурхIназиб улкала хъар­хIе­ра­гардеш бал­та­хъули алхунти дявила хас­си балбуцла бутIа­кьян­чи­бас хасдарибти абзани (спар­такиада) детер­хур Цуг­нила шилизир. ГIядатли бетаур­ли, гьанна хIяйнайс дура­дур­кIу­ли сари абзани.
Буралли, дявила хасси балбуцлизир Цугнила администрациялизибад 52 адамли бутIакьяндеш дирули са­ри. Сецад хIейгеси биалра, шел гIяхIгъабзали, улкала хъар­хIе­рагардеш багьандан, чула жан кьурбандариб. Илди саби ГIябдулжалил Къябттиев, Рабазан НикIаммаев, Запир Кьурбанов, Рабазан БяхIяммаев ва Рустам ГIялиев. Илди шелра Гъабзадешла орденничил шабагъатлабариб.
Абзаназир жи­гарла бу­тIа­кьян­деш да­риб рес­пуб­ликала декIар-декIарти шагьуртазиб хIербирути цуглантани. Илар лерри Цугнила шила команда, МяхIяч­къа­­лала, Дер­бентла, Къизларла ва Ро­стовла командаби.
Ил бархIи чумал журала абз дура­деркIес имканбакIиб: волей­болла, гиря иргьнила, гьая зузбирнила ва тIя­хIулхъ­нила. Забли ургьуси аргъ бе­таур­­ли, ишдуслизир илди ХIям­ши­мала спортла КIял­гIя­лизир дура­деркIиб.
Абза­на­ла хIясилти ишди­гъунти сарри:
Волейболла абзаназиб цаи­бил мер буциб Къизларла ко­мандали, кIиибил — Дербентла, хIябъибил — МяхIяч­къалала. ТIяхI­булхънила абзаназиб цаи­бил мер сархиб Кьурбан Мя­хIям­мадовли, кIиибил — Раба­дан Булатовли, хIябэсил — СягIид Ризаевли. Гьая зузбирнилизиб цаибил мер буциб Къизларла командали, кIиибил — МяхIячкъа­лала, хIябэсил — Цугнила. Гиря иргьнилизир гьаларти мерани сархиб Кьурбан МяхIям­мадовли ва Рабазан Мусаевли.
Абзани ахъси да­ра­­­жа­­личир детерхур. Ва­тIан гьан­­­ни алхунти гIур им­цIа­­хIе­бир­ниличи дир­хехIе. Дигулра жяв-жявли дургъ­­бира тамандиубли нушала узбира чула хъулрази чарбухъи.
Халаси баркалла абзани дурадеркI­иб­тас ва арцлашал кумекбарибтас, ил­кьяй­дали илдазир бу­тIа­кьян­деш дарибтасра!