Ишди бурхIназир МяхIячкъала шагьарлизир мушул башнила шайчирти биштIати дурхIни – ургарти абзани детерхур.

Илди абзаназир бутIакьяндеш дариб Ахъушала шилизибси дурхIнала ва гIулухъабала спортла школализиб руркъути дурхIнани.

Ахъушала ДЮСШ-лизиб  хIядурбирути дурхIнани гьар журала абзаназир бутIакьяндеш дирули, гьаман гьаларти мерани кайсули бирар. Илкьяйдали, гьаннара МяхIячкъала шагьарлизир детерхурти мушулбашнила шайчирти абзаназирра илди  гьаларти мераначи лайикьбикиб. Илди саби: МяхIяммадхIябибуллагь МяхIяммадов, МяхIяммад ГIялиев, МяхIяммад МяхIяммадов, Халид ХIябибов ва кIиибил мер касибси МяхIяммад Абакаров.

Илди жигарчебти, саберхурти дурхIни абзаначиб чедибдеш сархни багьандан, кубокуначил ва грамотабачил шабагъатлабариб.

Илдала тренерти саби Асадулла Ризванов, Надир БяхIяндов ва Шамил БяхIяндов.

Гьаннала гIергъира гIямрулизир, спортла абзаназир сархибдешуницун имцIадикIули хIербиэс кьадарбиахъаб чус Аллагьли! Саби халабикIуцад цIакьбикIули, абзаначир чедибдешуни кайсули, гъабзадешчебтили халабааб! БегIтасра Аллагьли арадеш бедаб.

С.ГIябдуллаева