Даргала миллатласи рухIла давлали саб­си республикала «За­мана» газетара, цар­хIи­л­­ти организацияби-учреж­де­­­­ние­биван, гIергъиси за­ма­на да­кIу­духъунти дала­гар­­де­­шу­нани къиянде­шу­начи бя­­хIя­гиб. Амма ахъти къул­лу­­къу­начиб бузути даргала мил­­латла вакилтани ил гьар шай­чи­бадли гIеббуциб.
БегI гьалабси яргализиб ил­дигъунти кабизалачебти гъубз­­нала гIяхIбаркьла хIя­ра­­кат кумекли бетарули саби лу­­кIантала гьамадли ахIенси бу­­зериличи халаси пикри бяхI­чииъ­­нилизибра. Ил­дигъунтала лу­­гIи­лизибадти саби ДР-ла ба­гьахънибала ва печатьла Агентстволис бекI­деш дируси Арсен Юсу­пов, ДР-ла Халкьла Соб­раниела депутат Шамил ГIя­­­маров, Дагъиста АПК-ла профсоюзла председатель Мур­­тазагIяли МуртазагIялиев ва цархIилтира. Арсен Гъази­мя­­хIям­мадовичли даргалацунра ахIи, республикала ле­­­­рилра миллатунала газета­би ва журналти ишхIелла ман­зилла тIалабуначи далди­кахъили, гьаладяхI дашахъес­ти имканти акIахъуб. Ша­мил ГIямаровли «Замана» ва цар­хIилти миллатунала га­­­зе­­таби бахълизи касахъес икьа­лабариб. МуртазагIяли Мур­­тазагIялиевлира газетаби-жур­налтачил мурталра бархбас бузахъу ва, илдас сегъуна ку­мек хIяжатлил белгибарили, ил гIеббиахъу.
Дигеси саби ишди бурхI­назив «Замана» газетала ре­дак­циялизи Шамил ГIяма­ров гIяхI­ладли вакIнира. Наб иличил гIяхIси ихтилат дура­бер­кIес имканбакIиб. Гьунибаъни­ла дазурбазир ахъдуцибти мягI­­ничерти масъултазирадли­ри: миллатла СМИ-би гьа­ла­дяхI дашахъни ва илди гIер­­дуцни, хала бегIтани нушаб бегIлара дурхъаси давлаван гIелар датурти мезани мяхIкамдирни, миллатунала мезаначил дурадулхъути печатьла ва электронный изданиебала бузери гьалабяхI башахъни, рухIла-адаб-хIяяла бетуц чIумабиахъни, жагьилтас патриот бяркъ бедлугни, тарихлати кьиматчерти далилти мяхIкамдарни ва цархIилтира.
Нуни гIяхIяйс редакцияла бузериличила, дурадеркIес пикридарибти далдуцуначила ва коллективла гьала тIашдатурти ма­съултачила баянти гьаладихьира. Сунела яргализиб Ш.ГIя­маровли, учIаннис гIяхI­дизести далилти сарливан, ре­дакцияла бузери ункъбирниличила, лугIурбалашалти (цифровые) майдунти (площадки) гьаладяхI дашахъниличила ва газетализир дурадулхъути белкIанала даража биубцад ахъбирниличила буриб. Илини илкьяйдали республикала газетаби-жур­налти гьаннала гIергъира гIер­дуцес чесиб. Гьайгьайрагу, «Замана» газеталичилси бархбасра чIумабиахъес дигниличила ба­гьахъур.