МяхIяммадсягIидова Барият Аскандаровнани  1998 ибил дуслизиб Избербаш шагьарлизибси педагогический колледжла «художественное  отделение»  таманбариб ва  Пачалихъла комиссияли илис изобразительная  искусствола художник-учительла квалификация бедиб.

Ил Ахъушала Зилмукьмахьила школализир изобразительная искусствола ва технологияла дурсри кадирхьули учительницали рузес рехIрихьиб.

Бариятла бузерила стаж 27 дус леб. Дахъал дусмазиб хIялалси хIянчи барнилис, дурхIнази багьуди касахъес халаси къайгъилизир рузни багьандан, Барият чуйнара  ХIурматла Грамоталичи ва Баркаллала кагъуртачи лайикьрикили  сари. Ил Ахъушала районна администрацияла шайзирадра ХIурматла Грамоталичил шабагъатларариб.

Барият Аскандаровнани «Юный художник» бикIуси кружокра бузахъули сари. Илини школалис хIяжатти стендуни, плакатуни  далкьарахъу. Сегъуна сурат гIягIнили биалра, Бариятли ил чебетаахъили, жавабкардешличил хIядурбиру.

Барият  дурхIначи дигичерли, илдала пагьмурти имцIадикIахъес, сунени кабирхьуси дарсличи диги акIахъес, ил аргъахъес багьандан  халаси къайгъиличил рузули сари. ДурхIнани хIергъибси секIал гIеббуру, суратла бируси тяхIяр-кьяйда дурхIнази малхIямли иргъахъу.

Сари рузуси коллективла,  бучIантала бегIтала, шила халкьла хIурматличил пайдаларикIули сари Барият Аскандаровна.

Гьаннала гIергъира дяхI шалали, разили, сунела пагьмурти  имцIадикIули хIерриэс кьадарбиаб илис!

С.ГIябдуллаева