«Навигаторы детства» бикIуси лебил Россияла проект Сергокъалала район­ни­зиб къелгIеббикуси ПатIимат ХIя­жие­вани «Острова 2026» ибси уличилси улкала жагьилтала маж­лис­личир бутIакьяндеш дариб. Ил бе­терхурсири Сахалинна область­лизиб августла вецIличибад вецIну урег­­раличи бикайчиси манзилла бухI­наб.
ПатIимат ХIяжиева Дагъистан Республикала шайзирадли цайли цаси вакил сарри 35 дусличи бикайчити улкала жагьилти-ургар ахирласи бутIализи карерхурси.
Мажлисли 14-личибад 35 дусличи бикайчити 350 жагьил адам цалабяхъиб. Илди сабри: школала бучIанти, студентуни, жагьти специалистуни ва бара чула хIянчи бехIбихьибти предпринимательти.
Мажлисла мурадуни сарри Сахалинна область гьалабяхI башахънила тяхIяр-кьяйдаличи жагьилти бурсибарни, гIямру-яшавла шуртIри гIяхIдулхъахъути проектуни гьаладяхI дашахъни, балбуцла бутIакьянчибани хIянчи бедлугантачил ва хIукуматла органтачил бархбасуни кадизахъни.
Мерличир проектуни далдуршантас мажлисличир бутIакьяндеш дарни мер-муса гьаладяхI дашахънилизи жагьилти битIикIнила тяхIяр-кьяйда дяркъяхъес гIяхIси имканра сабри.
Мажлисла бузерила программала дазурбазир багьудила учреждениебази экскурсияби ва грантла конкурсуни дурадеркIиб, илкьяйдали санигIятунала ярмаркара челябкьлализир детерхахъес пикридарибти сиптабира гьаладихьиб.
«Острова 2026» бикIуси мажлис Дальний Востокла регион гьалабяхI башахъес багалабиэси майданни бетарар.