Сергокъалала районнизир тIутIи дурчнила хIянчи демжахъурси манзиллизиб шила хозяйствола бекIла къуллукъуни дузахъуси МяхIяммад Мажидовли ва гьавкьяси специалист ХIусейн ХIясбулатовли Краснопартизанскла шилизи бузерила архIя дураберкIиб.
Абзурли районнизир 1233 гектарла ванзаличир тIутIила унхъри дарили сари. Илдазирад 1097 гектарличир минадиубти унхъразирти галгубачирад гьанна тIутIи дурчули сари. ИшбархIила манзиллис 141 гектарла ванзаличибад 3251 тонна сабухъ бучили саби.
ТIутIи дурчнила шайчирти хIянчи даимдиубли сари. Аргъ барсхIебиубли калалли, детахълуми агарли лебилра сабухъ бучес бажардибиркниличи умут бирхьули саби.